കോട്ടയം: ജനജീവിതത്തിന് ഭീഷണി ഉയര്ത്തിയുള്ള മണലൂറ്റിലിനും ചളിമണ് ഖനനത്തിനുമെതിരെ നാട്ടുകാര് കിടങ്ങൂരില് മനുഷ്യച്ചങ്ങല തീര്ത്തു.
പരിസ്ഥിതി പ്രവര്ത്തകര്ക്കൊപ്പം രാഷ്ട്രീയ സാമൂഹ്യ നേതാക്കളും പങ്കാളികളായി. കിടങ്ങൂര് സൗത്തിലെ കിഴുനാട്, കിള്ളിക്കോണം എന്നിവിടങ്ങളിലെ പാടശേഖരങ്ങള് കേന്ദ്രീകരിച്ചാണ് വന്തോതില് ചളിമണ് ഖനനം നടക്കുന്നത്. പല സ്ഥലങ്ങളിലും അഗാധഗര്ത്തങ്ങളാണ് രൂപപ്പെട്ടിരിക്കുന്നത്. അനിയന്ത്രിതമായ ഖനനം മൂലം വീടുകള്ക്കും ചെറുറോടുകള്ക്കും നാശനഷ്ടങ്ങള് സംഭവിച്ചു തുടങ്ങിയതയോടെയാണ് നാട്ടുകാര് പ്രതിരോധമുയര്ത്തിയത്. ഖനന പ്രദേശത്തിന് സമീപമുള്ള ചെക്ക്ഡാമിന് താഴെഭാഗം ആറിന്റെ ഇരുകരകളും മണലൂറ്റു മൂലം ഇടിഞ്ഞു തുടങ്ങിയിട്ടുണ്ട്. ഇതിനെതിരെ പുഴയോര സംരക്ഷണ സമിതിയുടെ നേതൃത്വത്തില് നടന്നുവരുന്ന പ്രക്ഷോഭത്തിന്റെ ഭാഗമായാണ് കിടങ്ങൂര് പാലത്തിന് സമീപം മനുഷ്യച്ചങ്ങല തീര്ത്തത്.
ജില്ലാ പഞ്ചാത്ത് അംഗം ബെറ്റി റോയി, കിടങ്ങൂര് ഗ്രാമപഞ്ചായത്ത് പ്രസിഡന്റ് ലിസി ഏബ്രഹാം, ബിജെപി മദ്ധ്യമേഖല പ്രസിഡന്റ് എന്. കെ. നാരായണന് നമ്പൂതിരി, പരിസ്ഥിതി പ്രവര്ത്തകരായ ഡോ. സി.എം. ജോയി, രാമചന്ദ്രന് നായര്, ഗോപിനാഥ പിള്ള, പി. രാധാകൃഷ്ണക്കുറുപ്പ്, നീലകണ്ഠന് നമ്പൂതിരി തുടങ്ങിയവര് മനുഷ്യച്ചങ്ങലയില് പങ്കാളികളായി.
പ്രതികരിക്കാൻ ഇവിടെ എഴുതുക: