കണ്ണൂര്: മണ്ണുതൊട്ടേ തുടങ്ങാം, ഭൂമിയെ കാക്കാം എന്ന സന്ദേശവുമായി ജില്ലയില് മണ്ണുദിനാഘോഷത്തിന്റെ ഭാഗമായി കണ്ണൂരിലും മയ്യിലിലും സംഘടിപ്പിച്ച പരിപാടികള് മന്ത്രി രാമചന്ദ്രന് കടന്നപ്പള്ളി ഉദ്ഘാടനം ചെയ്തു.
മണ്ണ് പര്യവേക്ഷണ- മണ്ണ് സംരക്ഷണ വകുപ്പിന്റെ ആഭിമുഖ്യത്തില് കണ്ണൂര് കൃഷ്ണമേനോന് സ്മാരക ഗവ.വനിതാ കോളേജില് നടന്ന ചടങ്ങില് ജില്ലാ പഞ്ചായത്ത് പ്രസിഡന്റ് കെ.വി.സുമേഷ് അധ്യക്ഷത വഹിച്ചു. കെ.എം.ഷാജി എംഎല്എ കര്ഷകര്ക്കുളള സോയില് ഹെല്ത്ത് കാര്ഡുകള് വിതരണം ചെയ്തു. മണ്ണ് ദിനാഘോഷവുമായി ബന്ധപ്പെട്ട് ഹൈസ്കൂള്, ഹയര്സെക്കന്ഡറി, കോളജ് തല വിദ്യാര്ഥികള്ക്കായി നടത്തിയ പോസ്റ്റര് രചന, പരിസ്ഥിതി ക്വിസ് മത്സരങ്ങളിലെ വിജയികള്ക്ക് ചടങ്ങില് പുരസ്കാരം നല്കി. കോര്പറേഷന് കൗണ്സിലര് സി.കെ.വിനോദ്, ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി ചെയര്മാന് കെ.പി.ജയബാലന്, ജില്ലാ പഞ്ചായത്തംഗം അജിത്ത് മാട്ടൂല്, കോളജ് പ്രിന്സിപ്പല് ഡോ. ഓമന പങ്കന്, ജില്ലാ മണ്ണ് സംരക്ഷണ ഓഫീസര് കെ.പി.അബ്ദുസമദ്, അസി. ഡയറക്ടര് ഷഹീല റോസ് എന്നിവര് സംസാരിച്ചു. ‘മണ്ണ്, സംസ്കാരം, സൗന്ദര്യം’ എന്ന വിഷയത്തില് ജില്ലാ പഞ്ചായത്ത് വികസനകാര്യ സ്ഥിരം സമിതി ചെയര്മാന് വി.കെ.സുരേഷ് ബാബു, ‘കാലാവസ്ഥാ വ്യതിയാനം: ഇന്നലെ, ഇന്ന്, നാളെ’ എന്ന വിഷയത്തില് മണ്ണ് സംരക്ഷണ ഓഫീസര് വി.വി.പ്രകാശന് എന്നിവര് പ്രഭാഷണം നടത്തി.
പിന്നാക്കവിഭാഗ കോര്പറേഷന് സ്കോളര്ഷിപ്പ് വിതരണം ചെയ്തു
കണ്ണൂര്: സംസ്ഥാന പിന്നോക്കവിഭാഗ വികസന കോര്പറേഷന് പ്ലസ് ടുവിന് എല്ലാ വിഷയങ്ങളിലും എ.പ്ലസ് നേടിയ ജില്ലയിലെ പിന്നോക്ക വിദ്യാര്ഥികള്ക്ക് നല്കുന്ന സ്കോളര്ഷിപ്പിന്റെ വിതരണം ഉദ്ഘാടനം മന്ത്രി കടന്നപ്പള്ളി രാമചന്ദ്രന് നിര്വ്വഹിച്ചു.
കണ്ണൂര് വ്യാപാരഭവനില് നടന്ന ചടങ്ങില് ജില്ലാ പഞ്ചായത്ത് പ്രസിഡന്റ് കെ.വി സുമേഷ് അധ്യക്ഷത വഹിച്ചു. കൗണ്സിലര് ആര്.രഞ്ജിത്ത്, പിന്നോക്കവിഭാഗ വികസന കോര്പറേഷന് മാനേജര് സി.സുധാകരന്, സീനിയര് അസിസ്റ്റന്റ് എ.ഉഷ എന്നിവര് സംസാരിച്ചു.
കഴിഞ്ഞ പ്ലസ്ടു പരീക്ഷയില് എല്ലാ വിഷയങ്ങളജിലും എപ്ലസ് നേടിയ ജില്ലയിലെ 211 വിദ്യാര്ഥികള്ക്കാണ് കോര്പറേഷന്റെ സിഎസ്ആര് ഫണ്ടില് നിന്ന് 5000 രൂപ വീതം സ്കോളര്ഷിപ്പായി നല്കിയത്. ഇതോടൊപ്പം നടന്ന വിദ്യാര്ഥികള്ക്കുള്ള ബോധവല്ക്കരണ ക്ലാസ്സിന് സി.സുധാകരന് നേതൃത്വം നല്കി.
