കണ്ണൂര്: ഹൈന്ദവ ദേവാലയങ്ങളെ ടൂറിസ്റ്റ് കേന്ദ്രങ്ങളാക്കാനുള്ള സര്ക്കാര് നീക്കത്തെ കരുതിയിരിക്കണമെന്ന് കണ്ണൂരില് ചേര്ന്ന തീയ്യമഹാസഭ സംസ്ഥാന കണ്വെന്ഷന് ചൂണ്ടിക്കാട്ടി. തീയ്യസമുദായത്തെ ഈഴവ സമുദായമാക്കി മാറ്റുന്ന പ്രവണത തടയണമെന്നും തീയ്യ സമുദായത്തിന് 30 ശതമാനം സംവരണം അനുവദിക്കണമെന്നും കണ്വെന്ഷന് പ്രമേയത്തിലൂടെ ആവശ്യപ്പെട്ടു. കണ്ണൂരിലെ ഒതയോത്ത് തീയ്യശ്മശാനത്തിന്റെ പിഡബ്ല്യുഡി പൊളിച്ച മതില് കെട്ടി സംരക്ഷിക്കണമെന്ന് യോഗം ആവശ്യപ്പെട്ടു. തീയ്യമഹാസഭയുടെ പേരില് വ്യാജ പിരിവ് നടത്തുന്നവര്ക്കെതിരെ നിയമ നടപടികള് സ്വീകരിക്കണമെന്നും കണ്വെന്ഷന് ആവശ്യപ്പെട്ടു. കണ്വെന്ഷനില് സംസ്ഥാന പ്രസിഡണ്ട് കൊറ്റിയാല് കൃഷ്ണന് അധ്യക്ഷത വഹിച്ചു. വര്ക്കിങ്ങ് പ്രസിഡണ്ട് അരുണ് അതിയടത്ത് ഉദ്ഘാടനം ചെയ്തു. എ.സി.ശശിധരന്, കെ.കൃഷ്ണന് വെള്ളൂര്, ദിവാകരന് കുറ്റിയാട്ടൂര് തുടങ്ങിയവര് സംസാരിച്ചു. പി.എന്.പവിത്രന് നന്ദി പറഞ്ഞു.
ചരമപരസ്യവും വാര്ത്തയും നല്കി സ്ഥലംവിട്ട സംഭവം: അന്വേഷണത്തിന് പ്രത്യേക സംഘം
പയ്യന്നൂര്: പയ്യന്നൂരിലെ ലോഡ്ജില് താമസിച്ച് പ്രഭാതപത്രങ്ങള്ക്ക് ചരമവാര്ത്തയും പരസ്യവും പണവും നല്കിയശേഷം മുങ്ങിയ സംഭവത്തില് കേസന്വേഷണത്തിന് പ്രത്യേക സംഘത്തെ നിയോഗിച്ചു. തളിപ്പറമ്പ് പ്രിന്സിപ്പല് എസ്ഐയുടെ നേതൃത്വത്തിലുളള സംഘമാണ് കേസന്വേഷിക്കുക.
കര്ഷകനായ തളിപ്പറമ്പ് കുറ്റിക്കോലിലെ ജോസഫ് മേലുക്കുന്നേലാണ് കഴിഞ്ഞമാസം 30 ന് താന് മരണപ്പെട്ടതായ പത്രവാര്ത്തയും പരസ്യവും നല്കി മുങ്ങിയത്. ഇയാളെ ഇതുവരെ കണ്ടെത്താന് സാധിച്ചിട്ടില്ല. ഇയാള് ഉപയോഗിച്ച മൊബൈല് ഫോണ് സ്വിച്ചോഫ് ചെയ്ത നിലയിലാണ്. പോലീസ് സംഘം കഴിഞ്ഞദിവസം പയ്യന്നൂരിലെത്തി പരസ്യവും വാര്ത്തയും പ്രസിദ്ധീകരിച്ച പത്രങ്ങളുടെ ലേഖകരില് നിന്നും മൊഴിയെടുത്തിയിരുന്നു. ജോസഫിന്റെ അഭിഭാഷകനായ മകനൊപ്പമാണ് പോലീസ് മൊഴിയെടുക്കാനെത്തിയത്. ഇയാള് എത്താനിടയുള്ള കര്ണാടകത്തിലെ പ്രദേശങ്ങള് പോലീസ് നിരീക്ഷണത്തിലാണ്. മാനസിക പ്രയാസത്താല് ഇയാള് ജീവനൊടുക്കാനുള്ള സാധ്യതയും പോലീസ് തള്ളിക്കളയുന്നില്ല. ചരമപരസ്യവും വാര്ത്തയും നല്കി മൊബൈല് ഫോണ് സ്വിച്ചോഫ് ചെയ്ത് സ്ഥലം വിട്ടതിന് പിന്നിലെ ദുരൂഹത നീക്കാന് ദിവസങ്ങള് പിന്നിട്ടിട്ടും പോലീസിന് സാധിക്കാത്തത് നാണക്കേടായിട്ടുണ്ട്.
