കൂറ്റനാട്: ഭീകരവാദത്തിനും അഴിമതിക്കും കൂട്ടുനില്ക്കുന്ന ഭരണമാണ് ഇന്ന് കേരളത്തില് നടന്ന് കൊണ്ടിരിക്കുന്നതെന്ന് ബിജെപി സംസ്ഥാന ജനറല് സെക്രട്ടറി എം.ടി.രമേഷ് പറഞ്ഞു.
തൃത്താല മേഴത്തൂരില് നടന്ന രാഷ്ട്രീയ വിശദീകരണയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. വോട്ടിനുവേണ്ടി പോപ്പുലര് ഫ്രണ്ടുകാരനെയും എസ്ഡിപിഐക്കാരനെയും തോളിലേറ്റുന്ന സിപിഎം നടപടിപകള് അപകടത്തിലേക്കാണ് പൊയ്ക്കൊണ്ടിരിക്കുന്നത് എന്നത് കുറഞ്ഞ പക്ഷം സിപിഎം പ്രവര്ത്തകരെങ്കിലും തിരിച്ചറിയെണ്ടതുണ്ട്. ഐഎസിലേക്ക് തീവ്രവാദികളെ
റിക്രൂട്ട് ചെയ്യുന്ന സംഘടന കേരളത്തില് പ്രവര്ത്തിക്കുന്നുണ്ടെന്ന് പറയുമ്പോഴും അത് ഏത് സംഘടനയാണെന്ന് പറയുവാന് മുഖ്യമന്ത്രി തയ്യാറാകുന്നില്ല. കൈയ്യെറ്റക്കാരുടെയും ഭീകരവാദികളുടെയും അഴിമതിക്കാരുടെയും കൂടെയാണ് ഇന്നത്തെ സര്ക്കാര് എന്നതിന് നിരവധിയായ ഉദാഹരണങ്ങളുണ്ടെന്നും അദ്ദേഹം പറഞ്ഞു.
തൃത്താല പഞ്ചായത്ത് കമ്മിറ്റി പ്രസിഡന്റ് പി.ഭാസ്കരന് അദ്ധ്യക്ഷത വഹിച്ചു. ജില്ലാ പ്രസിഡന്റ് ഇ.കൃഷ്ണദാസ്, തൃത്താല നിയോജകമണ്ഡലം പ്രസിഡന്റ് കെ.വി. ദിവാകരന്, ഒ.എസ് ഉണ്ണികൃഷ്ണന്, എം.വി.മോഹന്കുമാര്, ജിതേഷ് ബാബു തുടങ്ങിയവര് സംസാരിച്ചു.
