ഇരിട്ടി: നെല്വയല് തണ്ണീര്ത്തട സംരക്ഷണ നിയമത്തിന്റെ പേരിലായാലും കെഎംസിസി റൂളിന്റെ പേരിലായാലും ജെസിബി, ടിപ്പര്ലോറി തുടങ്ങിയ വാഹനങ്ങള് കണ്ടുകെട്ടി പീഡിപ്പിക്കുന്ന നടപടി നിയമംമൂലം ഭേദഗതി ചെയ്യണമെന്നും പകരം നിയമം ലംഘിക്കുന്ന ഭൂവുടമകളുടെ പേരില് ക്രിമിനല് നടപടി സ്വീകരിക്കണമെന്നും നിയമലംഘനം എന്ന വ്യാജേന വണ്ടികള് പിടിച്ചെടുത്ത് ഭീമമായ പിഴ ചുമത്തുന്ന റവന്യൂ, പോലീസ് നടപടി അവസാനിപ്പിക്കണമെന്നും ജെസിബി, ടിപ്പര് ലോറി, ഹിറ്റാച്ചി എന്നിവയുടെ ഉടമകളുടെ സംഘടനയായ കണ്സ്ട്രക്ഷന് എക്യുപ്പ്മെന്റ് ഓണേഴ്സ് വെല്ഫെയര് അസോസിയേഷന് ഇരിട്ടി മേഖലാ കണ്വെന്ഷന് ആവശ്യപ്പെട്ടു. കണ്വെന്ഷന് അസോസിയേഷന് സംസ്ഥാന ജനറല് സെക്രട്ടറി കാടാച്ചിറ ബാബു ഉദ്ഘാടനം ചെയ്തു. ജോര്ജ്ജ്കുട്ടി വാളുവെട്ടിക്കല് മുഖ്യപ്രഭാഷണം നടത്തി. സുനില് വയലാമണ്ണില് അധ്യക്ഷത വഹിച്ചു. ജില്ലാ ഭാരവാഹികളായ കെ.കെ.മമ്മു, സജിത്ത് മുണ്ടേരി, പാലൊളി രമേശന്, പി.കെ.ഷാജി, സലാം മുണ്ടേരി തുടങ്ങിയവര് സംസാരിച്ചു. ഷാജേഷ് എടൂര് സ്വാഗതവും കെ.പി.റാഫി നന്ദിയും പറഞ്ഞു.
ഭാരവാഹികളായി ബാബൂസ് ആന്റണി-പ്രസിഡണ്ട്, ഷാജേഷ് എടൂര്, കെ.പി.റാഫി, ഷാജി കുളമ്പിനാല്-വൈസ് പ്രസിഡണ്ടുമാര്, സജേഷ്-ജനറല് സെക്രട്ടറി, ജംഷീര് ഉളിയില്, എസ്.എസ്.ഷാജി, ബെന്നി കിരണ്, ബോബിന് വള്ളിത്തോട്, ജോജോ-സെക്രട്ടറിമാര്, സുനില് വയലാമണ്ണില്-ട്രഷറര് എന്നിവരെ തെരഞ്ഞെടുത്തു.
