പുറവൂര്‍ ലക്ഷ്മിനരസിംഹസ്വാമി ക്ഷേത്രം കൊടിയേറ്റ മഹോത്സവം 21 മുതല്‍

ഏച്ചൂര്‍: പുറവൂര്‍ ശ്രീലക്ഷ്മിനരസിംഹസ്വാമി ക്ഷേത്രത്തിലെ ഈ വര്‍ഷത്തെ കൊടിയേറ്റ മഹോത്സവം 21 മുതല്‍ 25 വരെ വിപുലമായ പരിപാടികളോടെ ആഘോഷിക്കും. ക്ഷേത്രം തന്ത്രി കാട്ടുമാടം ഇളയിടത്ത് മഠത്തില്‍ ഈശാനന്‍ നമ്പൂതിരിപ്പാട് മുഖ്യകാര്‍മ്മികത്വം വഹിക്കും. 21 ന് രാവിലെ 4 മണിക്ക് നാമസങ്കീര്‍ത്തനത്തോടു കൂടിയ ഗ്രാമപ്രദക്ഷിണം, 6 മണിക്ക് മഹാഗണപതിഹോമം, വിശേഷാല്‍ പൂജകള്‍, 8 മണിക്ക് ലളിതാസഹസ്രനാമ പാരായണം, തുടര്‍ന്ന് നാമജപവും ഭജനയും, 11.30 ന് പ്രഭാഷണം, വൈകുന്നേരം 4 മണിക്ക് കൂടാളി ശ്രീഗണപതി ക്ഷേത്രത്തില്‍ നിന്നും കലവറ നിറക്കല്‍ ഘോഷയാത്ര എന്നിവ നടക്കും. വൈകുന്നേരം 5 മണിക്ക് നടക്കുന്ന നടപ്പന്തല്‍ സമര്‍പ്പണവും സാംസ്‌കാരിക സമ്മേളനവും ക്ഷേത്ര കമ്മറ്റി പ്രസിഡണ്ട് സി.വി.രവീന്ദ്രനാഥിന്റെ അധ്യക്ഷതയില്‍ ടി.പി.ഭാസ്‌കരപ്പൊതുവാള്‍ ഉദ്ഘാടനം ചെയ്യും. തന്ത്രി കാട്ടുമാടം ഇളയിടത്ത് മഠത്തില്‍ ഈശാനന്‍ നമ്പൂതിരിപ്പാട് നടപ്പന്തല്‍ സമര്‍പ്പണം നടത്തും. ശില്‍പ്പി മഹേഷ് കുഞ്ഞിമംഗലത്തെ കെ.ടി.രാമകൃഷ്ണന്‍ മാസ്റ്റര്‍ ആദരിക്കും. വൈകുന്നേരം 7 മണിക്ക് ഭക്തിഗാനമേള, 22 മുതല്‍ 25 വരെ രാവിലെ 5.30 മുതല്‍ പ്രത്യേക പൂജകള്‍, 11.30 ന് പ്രഭാഷണം, 22 ന് വൈകുന്നേരം 7 മണിക്ക് കൊടിയേറ്റം, 8 ന് തിരുനൃത്തം, 23 ന് വൈകുന്നേരം 5 ന് കാഴ്ചശീവേലി, 6 ന് മോതിരം വെച്ച് തൊഴല്‍, തിരുനൃത്തം. 7.30 ന് തിരുവാതിരക്കളി, നൃത്തനൃത്യങ്ങള്‍, രാത്രി 8 ന് സര്‍പ്പബലി, 24 ന് വൈകുന്നേരം 6 മണിക്ക് മോതിരം വെച്ചുതൊഴല്‍, 7 ന് തിരുനൃത്തം, രാത്രി 8 മണിക്ക് തായമ്പക, 8.30 ന് നൃത്തനൃത്യങ്ങള്‍, 25 ന് രാവിലെ 8 മണിക്ക് ആറാട്ടുകടവിലേക്ക് എഴുന്നള്ളത്ത്, ആറാട്ട്, 9 ന് കൊടിയിറക്കല്‍, കലശാഭിഷേകം, ഉച്ചക്ക് 1 മണിക്ക് ആറാട്ടുസദ്യ എന്നിവ നടക്കും.