പാലക്കാട്: ശബരിമല അയ്യപ്പ സേവാസമാജത്തിന്റെ ആഭിമുഖ്യത്തില് മണ്ഡല കാലാരംഭത്തിന്റെ തുടക്കം കുറിച്ച് കൊണ്ട് വൃശ്ചികം ഒന്ന് വിശുദ്ധിദിനമായി പ്രഖ്യപിച്ച് കല്പാത്തി ശിവക്ഷേത്രത്തില് നിന്നും വടക്കന്തറ തിരുപുരയ്ക്കല് ക്ഷേത്രത്തിലേക്ക് ശരണ മന്ത്ര ഘോഷയാത്ര നടന്നു.
ഘോഷ യാത്രക്ക് കല്പാത്തി, പേച്ചിയമ്മന് നഗര്, ചുണ്ണാമ്പുത്തറ, വടക്കന്തറ, എന്നിവടങ്ങളില് കര്പ്പൂര ആരദിയോടെ ഭക്ത ജനങ്ങള് സ്വീകരണം നല്കി. ശരണ ഘോഷയാത്രയില് വിവിധ സ്ഥലങ്ങളില് നിന്നും അയ്യപ്പ യോഗങ്ങളിലെ അയ്യപ്പ സേവകന്മാര് പങ്കെടുത്തു.
തുടര്ന്ന് നടന്ന യോഗത്തില് വടക്കന്തറ അയ്യപ്പഭക്തസംഘം പ്രസിഡണ്ട് സതീശന്, ശബരിമല അയ്യപ്പസേവാസമാജം മേഖല പ്രസിഡണ്ട് യു.ശബരി, ശബരിമല അയ്യപ്പസേവാസമാജം ജില്ല പ്രസിഡന്റ് രേവതി ജയകൃഷണന് എന്നിവര് സംസാരിച്ചു. ചടങ്ങില് പ്ലാസ്റ്റിക് മുക്ത ശബരിമല എന്ന ആശയം എല്ലാ അയ്യപ്പ സേവകന്മാരോടും ആഹ്വനം ചെയ്തു.
