പിലാത്തറ: മലയാളത്തിലെ ആദ്യ ചെറുകഥാകൃത്തിന്റെ ഓര്മ്മകള്ക്ക് മുന്നില് അക്ഷരാര്ച്ചനയുമായി കുട്ടികള്. കേസരി വേങ്ങയില് കുഞ്ഞിരാമന് നായനാരുടെ 103-ാം ചരമവാര്ഷിക ദിനത്തിലാണ് പാണപ്പുഴ തറവാട്ട് പറമ്പിലെ സ്മൃതി മണ്ഡപത്തില് നൂറ്റി മൂന്ന് വിദ്യാര്ത്ഥികള് സ്വന്തം കഥാസൃഷ്ടികളുമായി അര്ച്ചനയും അവതരണവും നടത്തിയത്. മലയാള ഭാഷാ പാഠശാലയും കണ്ടോന്താര് ഇടമന യു.പി.സ്കൂളുംചേര്ന്നാണ് മലയാളത്തിന്റെ ആദ്യകഥാകാരന്റെ ഓര്മ്മ പുതുക്കാന് ഒത്തുകൂടിയത്. സ്മൃതി മണ്ഡപത്തില് വേങ്ങയില് തറവാട്ടംഗം ഇന്ദിരാമ്മ, ടി.പി.ഭാസ്കര പൊതുവാള്, പ്രഥമാധ്യാപിക പി.ശ്രീകല എന്നിവരുടെ നേതൃത്വത്തില് പുഷ്പാര്ച്ചന നടന്നു. തുടര്ന്ന് വിദ്യാര്ത്ഥികള് സ്വന്തം രചനകള് സ്മൃതി മണ്ഡപത്തില് അര്പ്പിച്ച് അവതരിപ്പിച്ചു.
കേസരി നായനാര് ചരമദിനാചരണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.