തളിപ്പറമ്പ്: ഭൂനികുതി ഓണ്ലൈനായി സ്വീകരിക്കുന്നതിനും പോക്കുവരവ് നടത്തുന്നതിനും തളിപ്പറമ്പ് താലൂക്കിലെ മുഴുവന് നികുതി ദായകരും അവരുടെ കൈവശഭൂമി സംബന്ധിച്ച വിവരങ്ങള് നിശ്ചിത ഫോറത്തില് അതത് വില്ലേജ് ഓഫീസര്മാര് മുമ്പാകെ ജനുവരി 30 ന് മുമ്പ് സമര്പ്പിക്കണം. അപേക്ഷാഫോറം വില്ലേജ് ഓഫീസുകളില് നിന്നും ലഭിക്കും. സര്ക്കാറിന്റെ ഭൂരേഖ കമ്പ്യൂട്ടര്വല്ക്കരണത്തിന്റെ ഭാഗമായി ശേഖരിക്കുന്ന ഈ വിവരങ്ങള് നല്കാത്തവര്ക്ക് 2018 ഏപ്രില് 1 ന് ശേഷം ഭൂനികുതി അടക്കുന്നതിനും പോക്കുവരവ് ചെയ്യുന്നതിനും പ്രയാസങ്ങള് ഉണ്ടാകുമെന്നതിനാല് വിവരങ്ങള് യഥാസമയം നല്കി സഹകരിക്കണമെന്ന് തഹസില്ദാര് അറിയിച്ചു.
കര്ണാടക സ്വദേശിയ അവശനിലയില് കണ്ടെത്തി
കണ്ണൂര്: രക്തം വാര്ന്ന് അവശനിലയില് റോഡരികില് കണ്ടെത്തിയ യുവാവിനെ പോലീസ് ആശുപത്രിയില് പ്രവേശിപ്പിച്ചു. കര്ണാടക സ്വദേശി ഷിബുവിനെയാണ് കഴിഞ്ഞദിവസം ജില്ലാ ആശുപത്രിയില് പ്രവേശിപ്പിച്ചു. സംഭവത്തില് പോലീസ് അന്വേഷണമാരംഭിച്ചു.
