തളിപ്പറമ്പില്: കായല് കയ്യേറി റിസോര്ട്ട് പണിത മന്ത്രി തോമസ് ചാണ്ടി രാജി വയ്ക്കണമെന്നാവശ്യപ്പെട്ട് യുവമോര്ച്ച ബിജെപി പ്രവര്ത്തകര് തളിപ്പറമ്പില് തോമസ് ചാണ്ടിയുടെ കോലം കത്തിച്ചു. എല്ഡിഎഫ് നടത്തിയ ജനജാഗ്രത യാത്രയില് ഇനിയും കയ്യേറ്റം നടത്തുമെന്ന് പരസ്യമായി വെല്ലുവിളി നടത്തിയ തോമസ് ചാണ്ടിയെ സര്ക്കാര് സംരക്ഷിക്കാന് ശ്രമിക്കുന്നത് എന്ത് താല്പര്യം കൊണ്ടാണെന്ന് പിണറായി വ്യക്തമാക്കണമെന്ന് ബിജെപി ജില്ലാ ഉപാധ്യക്ഷന് ബാലകൃഷ്ണന് മാസ്റ്റര് ആവശ്യപ്പെട്ടു. പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അധികാരത്തിന്റെ പിന്ബലത്തില് ജനങ്ങളെ കബളിപ്പിക്കാനാണ് സര്ക്കാര് ശ്രമിക്കുന്നതെങ്കില് കളങ്കിതരായ മന്ത്രിമാരെ തെരുവില് തടയുമെന്ന് അദ്ദേഹം മുന്നറിയിപ്പ നല്കി. യുവമോര്ച്ച തളിപ്പറമ്പ് മണ്ഡലം പ്രസിഡണ്ട് രാഹുല്, ജനറല് സെക്രട്ടറി ശ്രീനാഥ് കണിക്കുന്ന് എന്നിവര് സംസാരിച്ചു. യുവമോര്ച്ച ജില്ലാ കമ്മറ്റിയംഗം ശിവപ്രസാദ്, മണ്ഡലം സെക്രട്ടറി രാജേഷ് പടപ്പേങ്ങാട് എന്നിവര് നേതൃത്വം നല്കി.
തോമസ് ചാണ്ടിയുടെ കോലം കത്തിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.