കണ്ണൂര്: സംസ്ഥാന ഭാഗ്യക്കുറി ഏജന്റമാരുടെയും വില്പ്പനക്കാരുടെയും ക്ഷേമനിധി ബോര്ഡ് നഗരപരിധിയിലെ സ്വന്തമായി കടയില്ലാത്ത വഴിയോര വില്പ്പനക്കാരായ ക്ഷേമനിധി അംഗങ്ങള്ക്ക് കുടുംബശ്രീ മുഖേന ബീച്ച് അംബ്രല്ല വിതരണം ചെയ്യും. ഇതിന്റെ ഭാഗമായി ജില്ലയിലെ ഗുണഭോക്താക്കളായ ലോട്ടറി ക്ഷേമനിധി അംഗങ്ങള് 14 ന് വൈകുന്നേരം 5 മണിക്ക് മുമ്പായി ജില്ലാ ഭാഗ്യക്കുറി ക്ഷേമ ഓഫീസുമായി ബന്ധപ്പെടണമെന്ന് ജില്ലാ ഭാഗ്യക്കുറി ക്ഷേമ ഓഫീസര് അറിയിച്ചു.
പാര്ത്ഥസാരഥി ക്ഷേത്രം പിടിച്ചെടുത്ത നടപടി പ്രതിഷേധാര്ഹം: എസ്ജെഡി
കണ്ണൂര്: പാര്ത്ഥസാരഥി ക്ഷേത്രം ദേവസ്വം ബോര്ഡ് പിടിച്ചെടുത്തത് തികച്ചും പ്രതിഷേധാര്ഹമാണെന്ന് സോഷ്യലിസ്റ്റ് ജനതാദള് സംസ്ഥാന ജനറല് സെക്രട്ടറിയും എന്ഡിഎ ജോയന്റ് കണ്വീനറുമായ എ.കെ.സതീഷ് ചന്ദ്രന് പ്രസ്താവിച്ചു.
ലക്ഷക്കണക്കിന് ഹൈന്ദവരുടെ വികാരം വ്രണപ്പെടുത്തുന്ന ഈ നടപടിക്കെതിരെ എല്ലാ ജനാധിപത്യവിശ്വാസികളും ഒന്നിച്ച് അണിനിരക്കണമെന്നും ആരാധനാലയങ്ങളുടെ നേരെയും മതവിശ്വാസത്തിനെതിരെയും പിണറായി സര്ക്കാര് നടത്തുന്ന നിഗൂഡ നീക്കങ്ങളിലൊന്നായി ഈ കയ്യേറ്റത്തെ കാണണമെന്നും അദ്ദേഹം ആവശ്യപ്പെട്ടു. ഹിന്ദു ഐക്യവേദി ക്ഷേത്ര സംരക്ഷത്തിനായി നടത്തുന്ന പ്രക്ഷോഭങ്ങള്ക്ക് സോഷ്യലിസ്റ്റ് ജനതാദള് പൂര്ണ പിന്തുണ പ്രഖ്യാപിക്കുന്നതായും അദ്ദേഹം അറിയിച്ചു. ഇത്തരം സര്ക്കാര് നടപടികളെ ശക്തമായി എതിര്ക്കുമെന്നും അദ്ദേഹം പ്രസ്താവനയില് പറഞ്ഞു.
