കണ്ണൂര്: തലശ്ശേരി ബ്രണ്ണന് കോളേജ് മാഗസീന് വിവാദവുമായി ബന്ധപ്പെട്ട കേസില് പ്രതികളെ അറസ്റ്റ് ചെയ്യാത്തത് പോലീസിന്റെ അനാസ്ഥയാണെന്ന് എബിവിപി ആരോപിച്ചു. കോളേജിന്റെ 125-ാം വാര്ഷികത്തോടനുബന്ധിച്ച് കോളേജ് യൂനിയന് പുറത്തിറക്കിയ പെല്ലറ്റ് മാഗസീനില് ദേശവിരുദ്ധ പരാമര്ശം നടത്തിയതുമായി ബന്ധപ്പെട്ട് കോളേജ് സ്റ്റാഫ് എഡിറ്റര് അടക്കം 12 പേര്ക്കെതിരെ ദേശദ്രോഹ കുറ്റം ചുമത്തി ധര്മ്മടം പോലീസ് കേസെടുത്തിരുന്നു. കേസെടുത്ത് നാല് മാസം കഴിഞ്ഞിട്ടും ഇതുവരെയും പ്രതികളെ അറസ്റ്റ് ചെയ്തിട്ടില്ല. ഇതേ കേസിലെ പ്രതികള് തന്നെയാണ് കഴിഞ്ഞ ദിവസം പി.പിയപ്രീജുവിനെ അക്രമിച്ചതും ഇതേ സംഘം തന്നെയാണ്. ക്യാമ്പസില് സംഘര്ഷങ്ങള്ക്ക് നേതൃത്വം നല്കുന്നതും കോളേജിന്റ സമാധാന അന്തരീക്ഷം തകര്ക്കുന്നതും ഇവര്തന്നെയാണ്. കോളേജ് അധികൃതരും പോലീസും ഇവര്ക്ക് കൂട്ടുനില്ക്കുകയാണ്. കേസിലെ പ്രതികളെ ഉടന് അറസ്റ്റ് ചെയ്യണമെന്നാവശ്യപ്പെട്ട് എസ്പിക്ക് പരാതി നല്കിയിട്ടുണ്ടെന്നും അല്ലാത്തപക്ഷം ശക്തമായ സമരപരിപാടികളുമായി മുന്നോട്ട് പോകുമെന്നും എബിവിപി ജില്ലാ കണ്വീനര് പി.പി.പ്രീജു പ്രസ്ഥാവനയില് പറഞ്ഞു.
ബ്രണ്ണന് കോളേജ് മാഗസീന് വിവാദം; പ്രതികളെ അറസ്റ്റ് ചെയ്യാത്തത് പോലീസ് അനാസ്ഥ: എബിവിപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.