വായുമലിനീകരണം: ദല്‍ഹിയില്‍ ആരോഗ്യ അടിന്തരാവസ്ഥ പ്രഖ്യാപിച്ചു

ന്യൂദല്‍ഹി: വായുമലിനീകരണം വന്‍തോതില്‍ ഉയര്‍ന്നതോടെ ഇന്ത്യന്‍ മെഡിക്കല്‍ അസോസിയേഷന്റെ(ഐഎംഎ) ദല്‍ഹിയില്‍ ആരോഗ്യ അടിന്തരാവസ്ഥ പ്രഖ്യാപിച്ചു. ഇതിന്റെ ഭാഗമായി സ്‌കൂളുകള്‍ അടച്ചുപൂട്ടണമെന്നും ജനങ്ങളോട് വീടിന് പുറത്തിറങ്ങരുതെന്നും ഐഎംഎ ആവശ്യപ്പെട്ടു.

വായുമലിനീകരണം ഉയര്‍ന്ന സാഹചര്യത്തില്‍ നവംബര്‍ 19ന് ദല്‍ഹിയില്‍ നടക്കാനിരിക്കുന്ന എയര്‍ട്ടെല്‍ മാരത്തോണ്‍ റദ്ദാക്കണമെന്ന് ആവശ്യപ്പെട്ട് ഡോക്ടര്‍മാരുടെ സംഘടന ദല്‍ഹി മുഖ്യമന്ത്രി അരവിന്ദ് കേജ്‌രിവാളിന് കത്തയക്കുകയും ചെയ്തു.

ഇന്ന് 10 മണി മുതല്‍ സെന്‍ട്രല്‍ പൊലൂഷന്‍ കണ്‍ട്രോള്‍ ബോര്‍ഡ്(സിപിസിബി) കാറ്റിന്റെ ഗുണനിലവാരവും പരിശോധിച്ചു വരികയാണ്. ഇതനുസരിച്ച് കിഴക്കന്‍ ദല്‍ഹിയിലെ ദില്‍ഷദ് ഗാര്‍ഡനിലെ എയര്‍ ക്വാളിറ്റി ഇന്‍ഡെക്‌സ്(എക്യുഐ) 420 ആണ്. ആനന്ദ് വിഹാറിലേത് 319 എക്യുഐയാണ്. ഏറ്റവും കൂടതല്‍ വായുമലിനീകരണ തോത് ദല്‍ഹിയിലെ പഞ്ചാബി ഭാഗിലാണെന്ന് പരിശോധനയില്‍ കണ്ടെത്തി. 999 ആണ് ഇവിടുത്തെ എയര്‍ ക്വാളിറ്റി ഇന്‍ഡെക്‌സ്. ആര്‍കെ പുരത്ത് 852 എക്യുഐ കാണിച്ചപ്പോള്‍ ദ്വാരകയിലും എന്‍സിആറിലും 400നും 420നും ഇടയിലാണ് എക്യുഐ.

വായുമലിനീകരണം എക്യുഐയിലൂടെ കണക്കാക്കുമ്പോള്‍

0-50 -മികച്ച അന്തരീക്ഷം (വായുമലിനീകരണമില്ല)

51-100 – അന്തരീക്ഷം തൃപ്തികരം

101-200 – താരതമ്യേന കുറവ് എന്നാല്‍ മേശപ്പെട്ട അന്തരീക്ഷം

201-300 – മോശപ്പെട്ട അന്തരീക്ഷം

301-400 – തീരെ മോശപ്പെട്ട അവസ്ഥ

401-അതില്‍ കുടതല്‍ – അസഹനീയമായ അന്തരീക്ഷം