തിരുവനന്തപുരം : മലയാളം ശബ്ദതാരാവലിയുടെ കര്ത്താവ് ശ്രീകണ്ഠേശ്വരം പത്മനാഭപിള്ളയുടെ സ്മരണാര്ത്ഥം ശാസ്ത്ര സാഹിത്യ ഇന്സ്റ്റിറ്റ്യൂട്ട് ഏര്പ്പെടുത്തിയിട്ടുള്ള 2016-ലെ സംസ്ഥാന അവാര്ഡ് സമര്പ്പണം നാളെ വൈകുന്നേരം 5.30ന് വിജെടി ഹാളില് നടക്കും.
കവി പി. നാരായയണക്കുറുപ്പിനും നോവലിസ്റ്റ് കല്ലിയൂര് ഗോപകുമാറിനും വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് അവാര്ഡുകള് നല്കും. 55,555 രൂപയും ശില്പ്പവും പ്രശസ്തിപത്രവും പൊന്നാടയും അടങ്ങുന്നതാണ് അവാര്ഡുകള്. ശാസ്ത്രസാഹിത്യ ഇന്സ്റ്റിറ്റ്യൂട്ട് ഡയറക്ടര് സുദര്ശന് കാര്ത്തികപ്പറമ്പില് ചടങ്ങില് അധ്യക്ഷത വഹിക്കും. ഐഎസ്ആര്ഒ മുന് ചെയര്മാന് ജി. മാധവന്നായര്, കവി പ്രഭാവര്മ്മ എന്നിവര് മുഖ്യാ തിഥികളാവും. ഭാഷാ ഇന്സ്റ്റിറ്റ്യൂട്ട് ഡയറക്ടര് പ്രൊഫ. വി. കാര്ത്തികേയന്നായര് മുഖ്യ പ്രഭാഷണം നടത്തും. ഡോ. ശ്രീവരാഹം ചന്ദ്രശേഖരന്നായര്, ഡോ. ടി.പി. ശങ്കരന്കുട്ടിനായര്, ഡോ. വിളക്കുടി രാജേന്ദ്രന്, ഡോ. എ.എം. ഉണ്ണിക്കൃഷ്ണന്, ഹനീഫാ റാവുത്തര്, വിനോദ് വൈശാഖി, അജിത് പാവംകോട് എന്നിവര് സംസാരിക്കും.
