കൊച്ചി: ഡ്രൈവര്മാരുടെ ലൈസന്സ് റദ്ദാക്കുന്നതില് പ്രതിഷേധിച്ച് കണ്ടെയ്നര് ലോറി ഡ്രൈവര്മാര് നടത്തുന്ന സമരം അവസാനിപ്പിക്കാന് മുഖ്യമന്ത്രി ഇടപെടണമെന്ന് ബിഎംഎസ് ജില്ലാ സെക്രട്ടറി കെ.വി. മധുകുമാര്. അമിതഭാരം കയറ്റി എന്ന കാരണത്താലാണ് സംസ്ഥാനത്ത് കണ്ടെയ്നര് ലോറി ഡ്രൈവര്മാരുടെ ലൈസന്സ് റദ്ദാക്കിയത്. എന്നാല് ചരക്കിന്റെ ഭാരം നിയന്ത്രിക്കുന്നതില് ഡ്രൈവര്മാര്ക്ക് പങ്കൊന്നുമില്ലെന്നിരിക്കെ ലൈസന്സ് റദ്ദാക്കുന്നതില് എന്തു കാര്യമാണുളളതെന്ന് മധുകുമാര് ചോദിച്ചു.
വല്ലാര്പാടം ടെര്മിനലില് വരുന്ന സീല്ഡ് കണ്ടെയ്നറുകള് ഡി.പി. വേള്ഡാണ് പരിശോധനകള് പൂര്ത്തിയാക്കി കയറ്റി വിടുന്നത്. അമിതഭാരം കയറ്റുന്നുണ്ടെങ്കില് അതിനുത്തരവാദി ഡി.പി. വേള്ഡും ട്രാന്സ്പോട്ടര്മാരുമാണെന്നും മധുകുമാര് മാധ്യമങ്ങളോട് പറഞ്ഞു.
