പന്തളം: പന്തളം തെക്കേക്കര മമ്മൂട് പൊരിച്ചകുന്ന് കോളനിയിലെഅനധികൃത സെമിത്തേരികള്ക്കെതിരെ സമരം നടത്തുന്നഅതിജീവന സമര സമിതി സെക്രട്ടറിയെ സിപിഎം ഗുണ്ടാസംഘം വെട്ടിപ്പരുക്കേല്പിച്ചു. ഒബിസി മോര്ച്ച പന്തളം തെക്കേക്കര പഞ്ചായത്തു കമ്മിറ്റി സെക്രട്ടറി കൂടിയായ മാമ്മൂട് പാലനില്ക്കുന്നതില് കണ്ണനെ(24)യാണ് വെട്ടിക്കൊല്ലാന് ശ്രമിച്ചത്.
ശനിയാഴ്ച ഉച്ചയ്ക്ക് ഒന്നരയോടെ മാമ്മൂട് കവലയിലാണ് സംഭവം. കടയില് നാരങ്ങാവെള്ളം കുടിച്ചുകൊണ്ടു നിന്നിരുന്ന കണ്ണനെ അടൂര് പതിനാലാം മൈല് സ്വദേശി തോമസിന്റെ മകന് അമലിന്റെ നേതൃത്വത്തിലുള്ള പതിനഞ്ചോളം വരുന്ന ഗുണ്ടാസംഘമാണ് വടിവാളുള്പ്പെടെയുള്ള ആയുധങ്ങളുമായി ആക്രമിച്ചത്. കണ്ണനൊപ്പമുണ്ടായിരുന്ന ബിജെപി പഞ്ചായത്തു കമ്മിറ്റി വൈസ് പ്രസിഡന്റ് വിനോദിനെയും വെട്ടാന് ശ്രമിച്ചു.
പരുക്കേറ്റ കണ്ണനെ പന്തളം എന്എസ്എസ് മെഡിക്കല് മിഷന് ആശുപത്രിയില് പ്രവേശിപ്പിച്ചു. പൊരിച്ചകുന്ന് കോളനിയില് വിവിധ പെന്തക്കോസ്തു വിഭാഗങ്ങള് ഒമ്പത് അനധികൃത സെമിത്തേരികളാണ് സ്ഥാപിച്ചതോടെ ഇവിടെ തിങ്ങിപ്പാര്ക്കുന്ന പാവപ്പെട്ട പട്ടികജാതി വിഭാഗത്തിന്റെ ജീവിതം നരകതുല്യമായി. അസഹനീയമായ ദുര്ഗ്ഗന്ധമാണ് പരിസരമാകെ എല്ലായ്പ്പോഴും. കിണറുകളിലും തോട്ടകളിലും ലഭിക്കുന്നത് മനുഷ്യ കൊഴുപ്പു കലര്ന്ന വെള്ളമാണ്.
ഇതു പ്രദേശത്ത് സാംക്രമിക രോഗങ്ങള് പടരുവാന് കാരണമായി. കോളനിവാസികള്സമരവുമായി രംഗത്തിറങ്ങിയെങ്കിലും സിപിഎംഅടക്കമുള്ള ഇടതുപാര്ട്ടികളും കോണ്ഗ്രസ്ഉള്പ്പെടുന്ന യുഡിഎഫും സമരത്തെ തകര്ക്കാന് ശ്രമിച്ചു. കഴിഞ്ഞ 26ന് മമ്മൂട് കവലയില് ബിജെപി പന്തളം തെക്കേക്കര പഞ്ചായത്ത് കമ്മിറ്റിയുടെ നേതൃത്വത്തില് അതിജീവന സമരം ആരംഭിച്ചു.
ഇതോടെ കോളനിവാസികളൊന്നടങ്കം സിപിഎം മുന് ബ്രാഞ്ച് സെക്രട്ടറിയും നിലവില് ബ്രാഞ്ച് കമ്മിറ്റിയംഗവുമായ ശശികുമാറിന്റെ നേതൃത്വത്തില് സിപിഎം ബന്ധമുപേക്ഷിച്ച് ബിജെപിയില് ചേര്ന്നു.
ഇതില് പ്രകോപിതരായ സിപിഎം പ്രാദേശിക നേതൃത്വം, ബിജെപി നേതാക്കളെ കൊന്ന് പ്രദേശത്ത് ഭീതിപരത്തി അണികളെ പാര്ട്ടിയില് പിടിച്ചുനിര്ത്താനുള്ള ശ്രമത്തിന്റെ ഭാഗമായാണ് കഴിഞ്ഞ ദിവസമുണ്ടായ ആക്രമണം.
