ന്യൂമാഹി: ന്യൂമാഹി പഞ്ചായത്തില് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാഗമായി പള്ളിപ്രത്ത് നിര്മ്മിച്ച കിണര് റീച്ചാര്ജ് ചെയ്തു. പള്ളിപ്രത്ത് പാട്ടത്തിനെടുത്ത തരിശുഭൂമിയില് നെല്ലും വാഴയും വിവിധ പച്ചക്കറി കൃഷിയും തുടങ്ങി. പദ്ധതികളുടെ ബോര്ഡുകള് സ്ഥാപിക്കലും നടന്നു. ഇരുചടങ്ങുകള്ക്കും വന് ജനപങ്കാളിത്തമുണ്ടായി.
വിവിധ പദ്ധതികളുടെയും പ്രവൃത്തികളുടെയും ഉദ്ഘാടനം ജില്ലാ ഗ്രാമവികസന വകുപ്പ് പ്രോജക്ട് ഡയറക്ടര് കെ.എം. രാമകൃഷണന് നിര്വ്വഹിച്ചു. പഞ്ചായത്ത് പ്രസിഡന്റ് എ.വി ചന്ദ്രദാസന് അദ്ധ്യക്ഷത വഹിച്ചു. തലശ്ശേരി ബ്ലോക്ക് ഡെവലപ്പ്മെന്റ് ഓഫീസര് പി.വി.ജസീര് പദ്ധതി വിശദീകരണം നടത്തി. ബ്ലോക്ക് സ്ഥിരം സമിതി അധ്യക്ഷന് പ്രദീപ് പുതുക്കുടി, വൈസ് പ്രസിഡണ്ട് സി.കെ.റീജ, സ്ഥിരം സമിതി അധ്യക്ഷ എം.കെ.അനിത, വാര്ഡ് അംഗം സിദ്ധിഖ് സന എന്നിവര് പ്രസംഗിച്ചു. പഞ്ചായത്ത് സെക്രട്ടറി സതീഷ് ബാബു സ്വാഗതവും വില്ലേജ് എക്സ്റ്റന്ഷന് ഓഫീസര് പി.കെ.ഷാജി നന്ദി പറഞ്ഞു.
പദ്ധതി പ്രവൃത്തികളുടെ ഏകോപനം വിഇഒ പി.വി.സോഫിയ, തൊഴിലുറപ്പ് പദ്ധതി അക്രഡിറ്റഡ് എഞ്ചിനീയര് അതുല്.എസ്.അശോക് എന്നിവര് നിര്വ്വഹിച്ചു. കുടുംബശ്രീ സി.ഡി.എസ് അധ്യക്ഷയുടെ നേതൃത്വത്തില് പാട്ടകൃഷിയിടത്തേക്ക് ഉത്സവഛായ പകര്ന്ന് നടന്ന റാലിയില് നൂറ് കണക്കിനാളുകള് പങ്കെടുത്തു.
ഖാദി വസ്ത്രാലയം ഷോറൂം ഉദ്ഘാടനം 4 ന്
ഇരിട്ടി: ഇരിട്ടി നേരംപോക്കില് താലൂക്ക് ആശുപത്രി റോഡില് പുതുതായി നിര്മ്മിച്ച ഖാദി വസ്ത്രാലയത്തിന്റെ ഏസി ഷോറൂമിന്റെ ഉദ്ഘാടനം കെവിഐസി സൗത്ത് സോണ് മെമ്പര് ജി.ചന്ദ്രമൗലി ഉദ്ഘാടനം ചെയ്യും. രാവിലെ 10ന് നടക്കുന്ന ചടങ്ങില് ഇരിട്ടി നഗരസഭാദ്ധ്യക്ഷന് പി.പി.അശോകന് ദ്ധ്യക്ഷത വഹിക്കും. എംഎല്എ സണ്ണി ജോസഫ് മുഖ്യാതിഥിയായിരിക്കും. കെവിഐസി ഡയറക്ടര് കെ.പി.ലളിതാമണി ആദ്യ വില്പ്പന നടത്തും. സ്വാതന്ത്ര്യ സമരസേനാനി അപ്പനായരെ ചടങ്ങില് ആദരിക്കും. വിവിധ നേതാക്കള് സംബന്ധിക്കും.
