കണ്ണൂര്: പിണറായി എരുവട്ടി പൊട്ടന്പാറയിലെ എകെജി വായനശാലയുടെ കളിസ്ഥലം ലോക്കല് സെക്രട്ടറിയുടെ സഹായത്തോടെ സ്വകാര്യ വ്യക്തികള് കൈവശപ്പെടുത്തിയതായി ആരോപണം. മുന്പാര്ട്ടി മെമ്പറും വ്യാപാരിവ്യവസായി സമിതി പിണറായി ഏരിയ സെക്രട്ടറിയുമായ പ്രേമാനന്ദനാണ് വാര്ത്താസമ്മേളനത്തില് ആരോപണമുന്നയിച്ചത്. വിജയന് മാസ്റ്റര്, ആണ്ടി മാസ്റ്റര്, മുകുന്ദന് എന്നിവര് ചേര്ന്നാണ് സ്ഥലം കൈയേറിയത്. 2012 ല്പഞ്ചായത്തിനു വേണ്ടി മിനി സ്റ്റേഡിയം നിര്മ്മിക്കാന് വായനശാലയുടെ 25 സെന്റ് സ്ഥലം ഏറ്റെടുത്തിരുന്നു. ഇതിന്റെ മറവിലാണ് ഇപ്പോള് തട്ടിപ്പ് നടന്നിരിക്കുന്നത്. ഇതു സംബന്ധിച്ച് നേരത്തെ തന്നെ പാര്ട്ടിക്ക് പരാതി നല്കിയിരുന്നു. പരാതി നല്കിയ തന്നെ അക്രമിക്കുകയും തന്റെ കട അടിച്ച് തകര്ക്കുകയും താന് സ്ഥലം കൈയേറിയെന്ന് ആരോപണമുന്നയിച്ചെന്നും പ്രേമാനന്ദന് പറഞ്ഞു. എന്നാല് പഞ്ചായത്ത് സ്ഥലം ഏറ്റെടുത്ത് എട്ട് വര്ഷം കഴിഞ്ഞിട്ടും ഇതുവരെയും ഗ്രൗണ്ട് നിര്മ്മിച്ചിട്ടില്ല. പാര്ട്ടി സ്വത്ത് സംരക്ഷിക്കാനും ഗ്രൗണ്ട് നിര്മ്മിക്കാനും മുന്കൈയെടുത്തതിന് ഒരു വിഭാഗമാളുകള് കൊലവിളിയുമായി അക്രമിക്കുകയായിരുന്നു. നീതി നിഷേധിക്കുകയും ബന്ധുക്കളെ അപമാനിക്കാന് ശ്രമിക്കുകയും ചെയ്തിട്ടുണ്ട്. മുറ്റത്ത് നിര്ത്തിയിട്ട കാര് തകര്ക്കുകയും കേബിള് ബന്ധം വിച്ഛേദിക്കുകയും വഴിതടസ്സപ്പെടുത്തുകയും ചെയ്തു. ഒരു വര്ഷത്തോളം കട തുറക്കാനും അനുവദിച്ചില്ല. വ്യാപാരി സംരക്ഷകരെന്ന് പറയുന്ന സമിതിയും വേട്ടക്കാരുടെ കൂടെ വേട്ടയാടുകയാണെന്നും പ്രേമാനന്ദന് ആരോപിച്ചു.
ലോക്കല് സെക്രട്ടറിയുടെ സഹായത്തില് എകെജി വായനശാലയുടെ സ്ഥലം കയ്യേറിയതായി ആരോപണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.