ബെംഗളൂരു: റേവ് പാര്‍ട്ടി മയക്കുമരുന്ന് കേസില്‍ നടന്‍ സിദ്ധാന്ത് കപൂറിനും മറ്റ് രണ്ട് പേര്‍ക്കും എതിരെ ഫയല്‍ ചെയ്ത എഫ്‌ഐആര്‍ കര്‍ണാടക ഹൈക്കോടതി റദ്ദാക്കി. 2022 ജൂണില്‍ ബെംഗളൂരുവിലെ ഒരു ഹോട്ടലില്‍ നടത്തിയ പോലീസ് റെയ്ഡിലാണ് നടന്‍ അറസ്റ്റിലായത്. എന്നാല്‍ മയക്കുമരുന്ന് കണ്ടെത്താത്തതിനാല്‍ ഒരു ദിവസത്തിനുശേഷം ജാമ്യത്തില്‍ വിട്ടു. ബോളിവുഡ് നടന്‍ ശക്തി കപൂറിന്റെ മകനും നടി ശ്രദ്ധ കപൂറിന്റെ സഹോദരനുമാണ് സിദ്ധാന്ത് കപൂര്‍.
ഒരു സ്വകാര്യ ലബോറട്ടറിയില്‍ നടത്തിയ വിശ്വസനീയമല്ലാത്ത മൂത്ര പരിശോധനയെ മാത്രം അടിസ്ഥാനമാക്കിയാണ് പ്രോസിക്യൂഷന്‍ കേസെടുത്തതെന്ന് ജസ്റ്റിസ് എം നാഗപ്രസന്ന ചൂണ്ടിക്കാട്ടി.
