കണ്ണൂര്: കണ്ണൂര് സര്വകലാശാല ഇ.കെ.നായനാര് ചെയര് ഫോര് പാര്ലമെന്ററി അഫയേഴ്സ് താവക്കര കാമ്പസില് സംഘടിപ്പിച്ച ഇന്ത്യന് പാര്ലമെന്ററി ജനാധിപത്യം: ഭീഷണികളും വെല്ലുവിളികളും’ദ്വിദിന ദേശീയ സെമിനാര് മുഖ്യമന്ത്രി പിണറായി വിജയന് ഉദ്ഘാടനം ചെയ്തു. വിദ്യാര്ഥി രാഷ്ട്രീയം ഭരണഘടനാപരമായ അവകാശമാണെന്നും അത് വേണ്ടെന്നു പറയാന് നമ്മുടെ നാട്ടില് ഒരു കൂട്ടര്ക്കും അവകാശമില്ലെന്നും ഉദ്ഘാടന പ്രസംഗത്തില് മുഖ്യമന്ത്രി പറഞ്ഞു.
കണ്ണൂര് സര്വകലാശാല വൈസ് ചാന്സലര് ഡോ. ബാബു സെബാസ്റ്റ്യന് അധ്യക്ഷത വഹിച്ചു. ടീസ്റ്റ സെറ്റല്വാദ് മുഖ്യാതിഥിയായി. പി.കെ.ശ്രീമതി എം.പി, കെ.കെ.രാഗേഷ് എം.പി, മുന് മുഖ്യമന്ത്രി ഇ.കെ.നായനാരുടെ പത്നി ശാരദ ടീച്ചര്, സിന്ഡിക്കേറ്റ് അംഗങ്ങളായ എം. പ്രകാശന് മാസ്റ്റര്, അഡ്വ.പി.സന്തോഷ് കുമാര്, ഡോ.ജോണ് ജോസഫ്, ചരിത്രകാരന്മാരായ കെ.കെ.എന് കുറുപ്പ്, ഡോ. വെങ്കടേഷ് ആത്രേയ, ഡോ.എ.കെ.രാമകൃഷ്ണന്, സര്വകലാശാല ചരിത്രവിഭാഗം അധ്യക്ഷ ഡോ.മഞ്ജുള പൊയില്, യൂനിവേഴ്സിറ്റി യൂനിയന് ചെയര്മാന് സി.പി.ഷിജു എന്നിവര് സംബന്ധിച്ചു. പ്രൊ വൈസ് ചാന്സലര് ഡോ.ടി.അശോകന് സ്വാഗതവും രജിസ്ട്രാര് ഡോ.ബാലചന്ദ്രന് കീഴോത്ത് നന്ദിയും പറഞ്ഞു.
