കണ്ണൂര്: കണ്ണൂര് നിയോജകമണ്ഡലത്തിലെ എല്ലാ ലോവര്, അപ്പര് െ്രെപമറി സ്കൂളുകളിലും ഐടി ഉപകരണങ്ങള് സ്ഥാപിച്ച് സ്മാര്ട്ട് ക്ലാസ്റൂം പ്രവര്ത്തനമാരംഭിച്ചതിന്റെ ഉദ്ഘാടനം 30ന് നടക്കും. ഉച്ചക്ക് രണ്ടിന് കലക്ട്രേറ്റ് ഓഡിറ്റോറിയത്തില് വിദ്യാഭ്യാസ മന്ത്രി സി.രവീന്ദ്രനാഥ് ഉദ്ഘാടനം നിര്വ്വഹിക്കുമെന്ന് സംഘാടകര് വാര്ത്താസമ്മേളനത്തില് അറിയിച്ചു. മന്ത്രി രാമചന്ദ്രന് കടന്നപ്പള്ളിയുടെ മണ്ഡല വികസനഫണ്ട് പ്രയോജനപ്പെടുത്തിയാണ് സ്മാര്ട്ട്ക്ലാസ് റൂം സംവിധാനം െ്രെപമറിക്ലാസുകളില് ഒരുക്കിയിരിക്കുന്നത്. 88 വിദ്യാലയങ്ങളില് 90 ലക്ഷം രൂപ വിനിയോഗിച്ച് 1 ഡെസ്ക്ടോപ്പ് കമ്പ്യൂട്ടര്, മള്ട്ടിമീഡിയ പ്രൊജക്ടറുകള്, വൈറ്റ് ബോര്ഡ്, സൗണ്ട് സിസ്റ്റം എന്നിവ ഉള്പ്പെടുന്നതാണ് പദ്ധതി. കെല്ട്രോണ് വഴിയാണ് പദ്ധതി നടപ്പിലാക്കിയത്. എംഎല്എ ഫണ്ട് ഉപയോഗിച്ച് വിപുലമായി സംസ്ഥാനത്ത് നിര്വ്വഹിക്കപ്പെടുന്ന ആദ്യ ഡിജിറ്റല് പദ്ധതിയാണിത്. ക്ലാസ്റും ഡിജിറ്റല് സംവിധാനത്തിന് കണ്ണൂര് ഗവ. എഞ്ചിനിയറിങ്ങ് കോളജില് സംസ്ഥാന സര്ക്കാര് സ്ഥാപിച്ച സെന്റര് ഫോര് ഇന്ഫോര്മേഷന് കമ്മ്യൂണിക്കേഷന് ആന്റ് എജ്യുക്കേഷന് ടെക്നോളജിയുടെ സഹായം നിയോജകമണ്ഡലത്തിലെ എല്ലാ സ്കൂളുകള്ക്കും ഇനി ലഭ്യമാകും. വിദ്യാഭ്യാസ വകുപ്പും എസ്എസ്എയും തയ്യാറാക്കുന്ന പഠന ഉള്ളടക്കങ്ങള് കണ്ണൂര് എഞ്ചിനിയറിങ്ങ് കോളജ് ഐടി സ്റ്റുഡിയോ സംവിധാനം വഴി ഓണ്ലൈനില് കണ്ണൂര് നിയോജകമണ്ഡലത്തിലെ എല്ലാ സ്കൂളുകള്ക്കും ഇപ്പോള് സ്ഥാപിച്ച സംവിധാനം വഴി ലഭ്യമാക്കും. ഇതോടൊപ്പം ഐടി അറ്റ് സ്കൂള് സംവിധാനങ്ങളും പ്രയോജനപ്പെടുത്താം. നിയോജകമണ്ഡലത്തിലെ അധ്യാപകരെ പ്രാപ്തരാക്കുന്നതിന് ഐടി അറ്റ് സ്കൂള് പരിശീലന പരിപാടി സംഘടിപ്പിക്കും. വാര്ത്താസമ്മേളനത്തില് കണ്ണൂര് നിയോജകമണ്ഡലം വികസന സമിതി കണ്വീനര് എന്.ചന്ദ്രന്, ബാബു ഗോപിനാഥ്, എന്.ടി.സുധീന്ദ്രന് മാസ്റ്റര് എന്നിവര് പങ്കെടുത്തു.
സ്മാര്ട്ട് ക്ലാസ്റൂം പ്രവര്ത്തനം ഉദ്ഘാടനം നാളെ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.