രാഷ്‌ട്രപതിയുടെ സന്ദര്‍ശനം: വാര്‍ത്ത അനുചിതമെന്ന് മേയര്‍

തിരുവനന്തപുരം: തിരുവനന്തപുരം സന്ദര്‍ശിക്കുന്ന രാഷ്‌ട്രപതി രാംനാഥ് കോവിന്ദിന് സ്വീകരണം നല്‍കുന്നതിനായി സംസ്ഥാന സര്‍ക്കാരും നഗരസഭയും സംഘടിപ്പിക്കുന്ന പ്രവര്‍ത്തനങ്ങളെ അവഹേളിക്കുന്ന തരത്തില്‍ðവന്ന വാര്‍ത്ത അനുചിതമാണെന്നും സംസ്ഥാനത്തിന്റെ അതിഥിയായ രാഷ്‌ട്രപതിക്ക് നാളെ ടാഗോര്‍ തിയേറ്ററില്‍ðസംഘടിപ്പിച്ചിട്ടുള്ള പൗരസ്വീകരണം വിജയിപ്പിക്കുന്നതിന് എല്ലാവരും സഹകരിക്കണമെന്നും മേയര്‍ അഡ്വ വി.കെ. പ്രശാന്ത്.ðപൗരപ്രമുഖര്‍, ഡോക്ടര്‍മാര്‍, വിദ്യാര്‍ഥികള്‍, അധ്യാപകര്‍, ഉദ്യോഗസ്ഥര്‍ തുടങ്ങി വിവിധ ശ്രേണിയിലുള്ളവരെ രാഷ്‌ട്രപതിയുടെ സ്വീകരണ ചടങ്ങില്‍ പങ്കെടുപ്പിക്കുന്നതിന് മന്ത്രി കടകംപള്ളി സുരേന്ദ്രന്റെ അദ്ധ്യക്ഷതയില്‍ കൗണ്‍സിലര്‍മാര്‍ കൂടി പങ്കെടുത്ത യോഗത്തില്‍ðതീരുമാനിച്ചിരുന്നു. പൗരപ്രമുഖര്‍ ഉള്‍പ്പെടെയുള്ളവരെ പങ്കെടുപ്പിക്കുന്നതിന് കൗണ്‍സിലര്‍മാരെ ചുമതലപ്പെടുത്തുകയും ചെയ്തു. സംസ്ഥാന സര്‍ക്കാരിന്റെ അതിഥിയായ രാജ്യത്തിന്റെ പ്രഥമപൗരന് നഗരത്തിന്റെ ആദരമായാണ് ചടങ്ങ് സംഘടിപ്പിച്ചിട്ടുള്ളത്. ഇത്തരത്തില്‍ðവളരെ ഗൗരവമേറിയ ചടങ്ങിനെ വളരെ ലാഘവത്തോടെ കൈകാര്യം ചെയ്ത രീതി ഒഴിവാക്കേണ്ടതായിരുന്നുവെന്ന് മേയര്‍ അഭിപ്രായപ്പെട്ടു.