തലശേരി: ഞായറാഴ്ച ദിവസം ലോകമെമ്പാടുമുള്ള െ്രെകസ്തവ സമൂഹം ആരാധനക്കും പ്രാര്ത്ഥനകള്ക്കുമായി മാറ്റിവെച്ച ദിവസമാണെന്നിരിക്കെ അതേദിവസം ഉള്പ്പെടുത്തി സംസ്ഥാനത്തിന്റെ വിവിധ ഭാഗങ്ങളില് സ്കൂള് കായികമേളകള് സംഘടിപ്പിക്കുന്നത് അത്യന്തം പ്രതിഷേധാര്ഹമാണെന്നും െ്രെകസ്തവരുടെ ആരാധനാസ്വാതന്ത്ര്യം ഹനിക്കപ്പെടുന്നതിലൂടെ ചില തെറ്റായ സന്ദേശങ്ങളാണ് സര്ക്കാറിന്റെ ഭാഗത്തുനിന്നും ഉണ്ടാകുന്നതെന്നും കത്തോലിക്കാ കോണ്ഗ്രസ് തലശേരി അതിരൂപതാ ഭാരവാഹികളുടെ യോഗം അഭിപ്രായപ്പെട്ടു. കായിക-ശാസ്ത്ര-കലാമേളകളും മറ്റും ഞായറാഴ്ചദിവസം ഉള്പ്പെടുത്തി നടത്തിവരുന്നതും ക്രിസ്തുമസ്പോലുള്ള പ്രധാന െ്രെകസ്തവ തിരുനാളുകള്പോലും മത്സരദിവസങ്ങളാക്കി മാറ്റുവാനുള്ള അണിയറ നീക്കങ്ങള് നടത്തുന്നതും െ്രെകസ്തവസമൂഹത്തോടുള്ള അവഗണനയും മതസ്വാതന്ത്ര്യത്തിന്മേലുള്ള കടന്നുകയറ്റുവുമാണ്.
െ്രെകസ്തവ സമൂഹം നൂറ്റാണ്ടുകളായി അനുഭവിച്ചുവരുന്ന മതസ്വാതന്ത്ര്യത്തെ ഹനിക്കുവാനുള്ള നിഗൂഢ നീക്കങ്ങളില് നിന്നും സംസ്ഥാനഭരണകൂടം പിന്മാറണം. പൊതുവിദ്യാഭ്യാസത്തെ ശക്തിപ്പെടുത്തുവാന് വെമ്പല്കൊള്ളുന്ന സര്ക്കാറിന്റെ ഭാഗത്തുനിന്നും ഉണ്ടാകുന്ന അവഗണന െ്രെകസ്തവരോടുള്ള വെല്ലുവിളിയാണ്. കേരളത്തിലെ പൊതുസമൂഹത്തിന് വിദ്യാഭ്യാസ രംഗത്തിലൂടെ െ്രെകസ്തവ വിദ്യാഭ്യാസസ്ഥാപനങ്ങള് നല്കിയിട്ടുള്ള സംഭാവനകള് അവര്ണ്ണനീയമാണെന്നിരിക്കെ അവരെ വിശ്വാസത്തിലെടുക്കാതെ ഏകപക്ഷീയ നിലപാടുകളുമായി സര്ക്കാര് മുന്നോട്ടുപോകുന്നത് വലിയ പ്രത്യാഘാതം സൃഷ്ടിക്കും. ലക്ഷക്കണക്കിന് രൂപ സമാഹരിച്ച് കേരളത്തിലങ്ങോളുമിങ്ങോളമുള്ള വിവിധ സബ്ജില്ല, ജില്ലാ മത്സരങ്ങള്ക്ക് ആതിഥേയത്വം വഹിക്കുന്ന െ്രെകസ്തവ മാനേജ്മെന്റ് സ്കൂളുകളില് സര്ക്കാര് വിരുദ്ധ മനോഭാവങ്ങള് സൃഷ്ടിക്കുവാനുള്ള സാഹചര്യം സര്ക്കാറിന്റെ ഭാഗത്തു നിന്നും ഉണ്ടാകരുതെന്നും യോഗം ആവശ്യപ്പെട്ടു.
െ്രെകസ്തവ ആരാധന സ്വാതന്ത്രം സംരക്ഷിക്കപ്പെടാത്ത സാഹചര്യം സംജാതമായാല് ഭാവിയില് വിവിധ മേളകള് ഏറ്റെടുത്തു നടത്താതെയും മേളകള് ബഹിഷ്ക്കരിച്ചും സമരപരിപാടികളുമായി മുന്നോട്ടു പോകുവാന് െ്രെകസ്തവസമൂഹം നിര്ബന്ധിതരാകുമെന്നും കത്തോലിക്ക കോണ്ഗ്രസ് മുന്നറിയിപ്പ് നല്കി. യോഗത്തില് അതിരൂപത പ്രസിഡന്റ് ദേവസ്യ കൊങ്ങോല അദ്ധ്യക്ഷത വഹിച്ചു. അതിരൂപത ഡയറക്ടര് ഫാ.ഫ്രാന്സീസ് മേച്ചിറാകത്ത്, കേന്ദ്ര സമിതി വൈസ് പ്രസിഡന്റ് അഡ്വ.ടോണി ജോസഫ് പുഞ്ചക്കുന്നേല്, ജോണി തോമസ് വടക്കേക്കര, ചാക്കോച്ചന് കരാമയില്, ബെന്നി പുതിയാംപുറം എന്നിവര് പ്രസംഗിച്ചു.
