ഇരിങ്ങാലക്കുട : ഓണക്കളി കോഡിനേഷന് കമ്മിറ്റിയുടെ നേതൃത്വത്തില് ഇരിങ്ങാലക്കുട അയ്യങ്കാവ് മൈതാനത്ത് നടത്തിയ ഓണക്കളി മത്സരത്തിന് ശേഷം മൈതാനം ഉഴുത് മറിച്ച് ചളിക്കുണ്ടായ നിലയിലായി. മഴപെയ്ത് വെള്ളം കെട്ടിനില്ക്കുന്ന മൈതാനത്ത് രാവിലെ മുതല് രാത്രി വൈകും വരെ നടത്തിയ പരിപാടിയ്ക്കായി എത്തിയവര് മൈതാനത്തിനകത്ത് വാഹനങ്ങള് ഉപയോഗിച്ചതാണ് മൈതാനം ചെളിക്കുണ്ടാകാന് ഇടയാക്കിയത്.
മൈതാനത്ത് ലൈറ്റ് സ്ഥാപിക്കുവാന് ജില്ലാ കളക്ടറുടെ അടക്കം നിര്ദേശമുണ്ടായിട്ടും നഗരസഭ അധികൃതര് അവഗണിക്കുകയായിരുന്നു എന്നും ആക്ഷേപമുണ്ട്. ഓണക്കളി മത്സരത്തിന് വേണ്ടത്ര നിബന്ധനകള് വയ്ക്കാതെ സൗജന്യനിരക്കില് മൈതാനം വിട്ട് നല്കി നശിപ്പിച്ചതിനെതിരെ മൈതാനം കൂട്ടായ്മയുടെയും ലോഡ്സ് ക്ലബ് അംഗങ്ങളുടെയും ഇരിങ്ങാലക്കുടയിലെ കായിക പ്രേമികളുടേയും നേതൃത്വത്തില് നഗരസഭയിലേയ്ക്ക് പ്രതിഷേധ മാര്ച്ച് സംഘടിപ്പിക്കും.
പ്രതികരിക്കാൻ ഇവിടെ എഴുതുക: