തൃശൂര്: നഗരത്തില് ഹര്ത്താല് അനുകൂലികള് കെ.എസ്.ആര്.ടി.സി ബസ് തടഞ്ഞ് യാത്രക്കാരെ വഴിയില് ഇറക്കിവിട്ടു.
നായ്ക്കനാല് പെട്രോള് പമ്പിന് സമീപമാണ് ഹര്ത്താല് അനുകൂലികളായ യൂത്ത് കോണ്ഗ്രസ് -കെ.എസ്.യു പ്രവര്ത്തകരായ അഞ്ച് പേര് വാഹനങ്ങള് തടഞ്ഞത്. കെ.എസ്.ആര്.ടി.സി ബസ് തടഞ്ഞ് സ്ത്രീകള് ഉള്പ്പെടെയുള്ള യാത്രക്കാരെ വഴിയില് ഇറക്കിവിട്ടു.
സംഭവമറിഞ്ഞ് പോലീസ് എത്തി വാഹനങ്ങള് തടഞ്ഞവരെ അറസ്റ്റ് ചെയ്ത് നീക്കാന് നടത്തിയ ശ്രമം സംഘര്ഷത്തിനിടയാക്കി. പിന്നീട് ഈസ്റ്റ് സ്റ്റേഷനില് നിന്ന് കൂടുതല് പോലീസെത്തി ഹര്ത്താല് അനുകൂലികളെ ബലം പ്രയോഗിച്ച് അറസ്റ്റ് ചെയ്ത് നീക്കുകയായിരുന്നു. തൃശൂരില് പ്രകടനം നടത്തിയ ഹര്ത്താല് അനുകൂലികള് സ്വരാജ് റൗണ്ടിലെ വ്യാപാര സ്ഥാപനം ബലമായി അടപ്പിക്കാനും, കെ.എസ്.ആര്.ടി.സി ബസ് തടയാനും ശ്രമിച്ചു. ഗുരുവായൂരില് നിന്ന് എറണാകുളത്തേക്ക് പോയ കെ.എസ്.ആര്.ടി.സി ബസിന്റെ ചില്ല് എറണാകുളം ഒബ്റോള് മാളിന് സമീപം ഹര്ത്താല് അനകൂലികള് എറിഞ്ഞ് തകര്ത്തു.
പ്രതികരിക്കാൻ ഇവിടെ എഴുതുക: