അടിമാലി: അടിമാലി-കുമളി ദേശീയപാതയില് കത്തിപ്പാറയ്ക്ക് സമീപം വാഹനാപകടം. ട്രാവലറും സ്വിഫ്റ്റ് കാറും കൂട്ടിയിടിച്ചുണ്ടായ അപകടത്തില് വിദേശ സഞ്ചാരികളടക്കമുള്ളവര്ക്ക് നിസാര പരിക്കേറ്റു. ഇരു വാഹനങ്ങളുടേയും മുന്ഭാഗം ഭാഗീകമായി തകര്ന്നു.
ട്രാവലര് തെറ്റായ ദിശയില് വന്നതാണ് അപകട കാരണമെന്ന് ദൃക്സാക്ഷികള് പറയുന്നു. ഇരു വാഹനത്തിലുണ്ടായിരുന്നവര്ക്കും പരിക്കേറ്റിട്ടുണ്ട്. ഇവരെ അടിമാലി താലൂക്കാശുപത്രിയില് പ്രവേശിപ്പിച്ചു. ഇടുക്കി ഡാം സന്ദര്ശിക്കാനെത്തിയ സഞ്ചാരികളുമായി എത്തിയ സ്വകാര്യ കമ്പനിയുടെ ട്രാവലറാണ് അപകടത്തില്പ്പെട്ടത്. രാജാക്കാട് സ്വദേശികളാണ് കാറില് ഉണ്ടായിരുന്നവര്. അടിമാലി പോലീസ് മേല്നടപടികള് സ്വീകരിച്ചു.
