ദേശീയ അധ്യാപക പരിഷത്ത് മൂന്നാമത് സംസ്ഥാന വനിതാ സംഗമം പാലക്കാട് നഗരസഭ ചെയര്പേഴ്സണ് പ്രമീളശശിധരന് ഉദ്ഘാടനം ചെയ്യുന്നു
പാലക്കാട്: ദേശീയ അധ്യാപക പരിഷത്തിന്റെ മൂന്നാമത് സംസ്ഥാന വനിതാ സംഗമത്തിന് വയലാര് രാമവര്മ്മയുടെ പത്നി ഭാരതി തമ്പുരാട്ടി ഭദ്രദീപം കൊളുത്തി. നഗരസഭ ചെയര്പേഴ്സണ് പ്രമീളശശിധരന് ഉദ്ഘാടനം ചെയ്തു. സംസ്ഥാന വനിതാ വിഭാഗം കണ്വീനര് എന്.സത്യഭാമ അധ്യക്ഷത വഹിച്ചു.വിദ്യാഭ്യാസത്തിലെ മൂല്യശോഷണം കുട്ടികളെ അരുതായ്മകളിലേക്ക് നയിക്കുന്നുവെന്ന് പ്രമേയത്തില് പറഞ്ഞു.
മൂല്യബോധമില്ലാതെ വളരുന്ന തലമുറയാണ് ലഹരി മരുന്നിനടിമപെടുകയും, ദേശവിരുദ്ധ പ്രവര്ത്തനങ്ങള് നടത്തുകയും ചെയ്യുന്നത്. സ്നേഹത്തിന്റെയും പ്രേമത്തിന്റെയും പവിത്രതയറിയാത്ത കുട്ടികളാണ് ലൗജിഹാദ് പോലുള്ള വിപത്തുകളില് പെടുന്നതെന്നും പ്രമേയം ചൂണ്ടിക്കാട്ടി. സംസ്ഥാന സമിതിയംഗം കെ.സ്മിത, ജനറല് കണ്വീനര് എം.ഗീത എന്നിവര് സംസാരിച്ചു. ചടങ്ങില് ഏഷ്യന് ഗെയിംസ് സ്വര്ണ്ണമെഡല് ജേതാവ് പ്രീജാ ശ്രീധരനെ ആദരിച്ചു. വിദ്യാഭ്യാസ സഭയില് ഹിന്ദു ഐക്യവേദി സംസ്ഥാന അധ്യക്ഷ കെ.പി.ശശികല മൂല്യാധിഷ്ഠിത വിദ്യാഭ്യാസം എന്ന വിഷയത്തില് പ്രഭാഷണം നടത്തി.
സംസ്ഥാന വൈസ് പ്രസിഡന്റ് സി.ജീജാഭായ് അധ്യക്ഷത വഹിച്ചു. സ്വാഗത സംഘം വൈസ് ചെയര്മാന് വി.എസ്.കൃഷ്ണകുമാരി, ജോയിന്റ് കണ്വീനര് എം.രമാദേവി എന്നിവര് സംസാരിച്ചു. സമാപന സഭയില് എന്ടിയു പ്രസിഡന്റ് കെ.എന്.വിനോദ് അധ്യക്ഷത വഹിച്ചു. ജനറല് സെക്രട്ടറി പി.എസ്.ഗോപകുമാര്,എബിആര്എസ്എം പ്രാന്തീയ സംഘടനാ സെക്രട്ടറി കെ.മോഹനകണ്ണന്, എന്ടിയു ഭാരവാഹികളായ അശോക് ബാദുര്, എം.ശിവദാസ്, കെ.എസ്.ജയചന്ദ്രന്, ഇ.കെ.ഹേമലത തമ്പാട്ടി, കെ.രേവതി, രാജേശ്വരി രാജേന്ദ്രന്, വേണു ആലത്തൂര് തുടങ്ങിയവര് സംസാരിച്ചു.
