ആലപ്പുഴ: ജിഹാദി ചുവപ്പ് ഭീകരതയ്ക്കെതിരെ എല്ലാവര്ക്കും ജിവിക്കണം എന്ന മുദ്രാവാക്യവുമായി ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് നയിക്കുന്ന ജനരക്ഷായാത്രയ്ക്ക് ജില്ലയില് ഉജ്ജ്വല സ്വീകരണം.
സിപിഎമ്മിന്റെയും മുസ്ലീം ഭീകരരുടെയും അക്രമങ്ങള് ഏറെ നേരിട്ട ജില്ലയില് യാത്രയ്ക്ക് വഴിയോരങ്ങളില് കാത്തുനിന്നാണ് ജനങ്ങള് സ്വീകരണം നല്കിയത്. തണ്ണീര്മുക്കം മുതല് ആലപ്പുഴ വരെ ദേശീയതയുടെ അലയൊലിയുയര്ന്നു. രാവിലെ ചേര്ത്തലയില് മണ്ഡലം കമ്മറ്റിയുടെ ആഭിമുഖ്യത്തില് നടന്ന സ്വീകരണ സമ്മേളനത്തില് ആയിരങ്ങള് പങ്കെടുത്തു.
അരീപ്പറമ്പില് സിപിഎമ്മുകാര് കൊലപ്പെടുത്തിയ സഹോദരങ്ങളായ വേണുവിന്റെയും രാജുവിന്റെയും വീട് സന്ദര്ശിച്ച ശേഷമാണ് യാത്ര കലവൂരിലേക്ക് പുറപ്പെട്ടത്. കലവൂരില് സിപിഎമ്മുകാര് സംഘസ്ഥാനില് കയറി കൊലചെയ്ത ശശിയുടെ ഛായാചിത്രത്തില് പുഷ്പാര്ച്ചന നടത്തിയാണ് ആലപ്പുഴയിലേക്ക് പദയാത്ര തുടങ്ങിയത്.
ദേശീയ പ്രസ്ഥാനങ്ങളുടെ കരുത്ത് കാട്ടുന്നതായി പദയാത്ര. ആയിരക്കണക്കിന് പ്രവര്ത്തകരാണ് യാത്രയില് ചിട്ടയോടെഅണിനിരന്നത്. സിപിഎം ജിഹാദി ക്രൂരതയ്ക്കെതിരെ യാത്രയില് മുദ്രാവാക്യങ്ങളുയര്ന്നു.
ഗതാഗതം തടസ്സപ്പെടുത്താതെയായിരുന്നു പദയാത്ര. മുല്ലയ്ക്കല് മഹേശ്വരി മൈതാനിയില് യാത്രഎത്തുംമുമ്പുതന്നെ പൊതുസമ്മേളനം തുടങ്ങി. പദയാത്രയ്ക്ക് പ്രവേശിക്കാന് കഴിയാത്ത വിധം മൈതാനം ജനനിബിഡമായി. പദയാത്രയില് പങ്കെടുത്തവര്ക്ക് പൂര്ണമായും മൈതാനത്ത് പ്രവേശിക്കാന് പോലും കഴിഞ്ഞില്ല.
സമ്മേളനം ബിജെപി ദേശീയ വൈസ് പ്രസിഡന്റ് അവിനാശ് റായി ഖന്ന ഉദ്ഘാടനം ചെയ്തു. എല്. ഗണേശന്, കൈലാസ് വിജയ് വര്ഗ്യ, ജെഎസ്എസ് സംസ്ഥാന ജനറല് സെക്രട്ടറി എ.എന്. രാജന്ബാബു, ബിഡിജെഎസ് സംസ്ഥാന സെക്രട്ടറി സുരേഷ് ബാബു, കേരളാ കോണ്ഗ്രസ് സംസ്ഥാന സെക്രട്ടറി രാജന് കണ്ണാത്ത്, ആര്എസ്പി സംസ്ഥാന പ്രസിഡന്റ് കെ.കെ. പൊന്നപ്പന് തുടങ്ങിയവര് സംസാരിച്ചു.
നളിന്കുമാര് കാട്ടില് എംപി, റിച്ചാഡ് ഹേ എംപി, ബി.എല്. സന്തോഷ്, മുരുകാനന്ദം, ഠാക്കൂര് രഞ്ജിത് ദാസ്, അനൂപ്, ഭരത് ഇന്ദു, മഹിപാല് റെഡ്ഡി, നിഥിന് നവീന്, അമിത് സിങ്, ഭട്ടത് ഗൗഡ്, രവികുമാര്, ബിജെപി നേതാക്കളായ വി. മുരളീധരന്, പി.കെ. കൃഷ്ണദാസ്, എം. ഗണേശന്, പി.പി. വാവ, പി.എം. വേലായുധന്, എം.എസ്. സമ്പൂര്ണ, പ്രമീള സി. നായ്ക്, എം.ടി. രമേശ്, എ.എന്. രാധാകൃഷ്ണന്, കെ. സുരേന്ദ്രന്, അഡ്വ. ബി. ഗോപാലകൃഷ്ണന്, രാജീ പ്രസാദ്, എം.എസ്. ശ്യാംകുമാര്, കെ.പി. പ്രകാശ്ബാബു, രേണുസുരേഷ്, പുഞ്ചക്കരി സുരേന്ദ്രന്, ജിജി ജോസഫ്, കെ. രഞ്ജിത്ത്, അഡ്വ. നാരായണന് നമ്പൂതിരി, അഡ്വ. സുധീര്, വെള്ളിയാകുളം പരമേശ്വരന് തുടങ്ങിയവര് പങ്കെടുത്തു. ജില്ലാ പ്രസിഡന്റ് കെ. സോമന് അദ്ധ്യക്ഷനായി.
