ബംഗളൂരു – ആലപ്പുഴ സര്‍വ്വീസ് തുടങ്ങി

ആലപ്പുഴ: കര്‍ണാടകാ ആര്‍ടിസിയുടെ ബംഗഌരു – ആലപ്പുഴ ഐരാവത് ഡയമണ്ട് ക്ലാസ്സ് സര്‍വ്വീസ് തുടങ്ങി. ബംഗഌരു ശാന്തി നാഗര്‍ ബസ്സ് സ്റ്റേഷനിന്‍ നിന്ന് ദിവസവും രാത്രി 7:45 ന് പുറപ്പെടുന്ന സര്‍വ്വീസ്സിന് ബാംഗ്ലൂര്‍ സെന്റ് ജോണ്‍സ് ബിഎംടിസി ബസ്സ് സ്റ്റാന്‍ഡിലും , ഇലക്ട്രോണിക് സിറ്റി ബിഎംടിസി ഡിപ്പോയിലും ബോര്‍ഡിങ്ങ് പോയിന്റ് ലഭ്യമാണ്. സേലം, കോയമ്പത്തൂര്‍ വഴി രാവിലെ 5:30ന് എറണാകുളത്തും, ഏഴിന് ആലപ്പുഴയിലും എത്തിച്ചേരും. തിരിച്ച് രാത്രി ഏഴിന് ആലപ്പുഴ കെഎസ്ആര്‍ടിസി സ്റ്റാന്‍ഡില്‍ നിന്ന് പുറപ്പെട്ട് രാവിലെ 6:30ന് ബാംഗ്ലൂര്‍ മജസ്റ്റിക്ക് സ്റ്റേഷനില്‍ എത്തിച്ചേരും. ടിക്കറ്റുകള്‍ www.ksrtc.in സൈറ്റില്‍ ബുക്ക് ചെയ്യാം.