പരപ്പനങ്ങാടി: പരപനങ്ങാടി-ചെമ്മാട് റോഡില് പുത്തരിക്കല് ഓട്ടുകമ്പനിക്ക് സമീപം ക്വാറി മണല് കയറ്റിവന്ന ലോറി പാടത്തേക്ക് മറിഞ്ഞ് അപകടം. കുന്നുംപുറം സ്വദേശി വെള്ളേങ്ങര പ്രബീഷിന്റെ ഉടമസ്ഥതയിലുള്ളതാണ് വാഹനം. ഡ്രൈവര് റാഫി നിസാര പരിക്കുകളോടെ രക്ഷപ്പെട്ടു. റോഡിലെ കുഴിയില് വീണാണ് വാഹനത്തിന്റെ നിയന്ത്രണം നഷ്ടപ്പെട്ടത്. ഇടിഞ്ഞുതാണ റോഡില് നിന്നും തെന്നി സമീപത്തെ വയലിലേക്ക് മറിയുകയായിരുന്നു. അപകട ഭീതിയുയര്ത്തുന്ന ഈ റോഡിനെക്കുറിച്ച് ജന്മഭൂമി പല തവണ വാര്ത്തകള് നല്കിയിരുന്നു. കരിങ്കല്ലത്താണി മുതല് പുത്തരിക്കല് വരെ ജല അതോറിറ്റി പൈപ്പ് അറ്റകുറ്റപ്പണിക്കായി കുഴിയെടുത്ത ഇടങ്ങളിലാണ് വശങ്ങള് ഇടിഞ്ഞ് താഴ്ന്ന് റോഡ് തകര്ന്നിരിക്കുന്നത്. റോഡ് തകര്ച്ച ചൂണ്ടി കാണിച്ചിട്ടും അധികൃതര് വേണ്ട നടപടികള് സ്വീകരിച്ചിട്ടില്ലെന്ന് നാട്ടുകാര് പറയുന്നു.
മണല് ലോറി പാടത്തേക്ക് മറിഞ്ഞ് അപകടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.