ഇരിങ്ങാലക്കുട: മദ്യലഹരിയില് വനിത പോലിസുകാരെ ആക്രമിച്ച കേസില് പ്രതി അറസ്റ്റില്. പെരിഞ്ഞനം ചേന്ദമംഗലത്ത് വീട്ടില് റഫീക്ക് (36)നെയാണ്ഇരിങ്ങാലക്കുട എസ്.ഐ കെ.എസ് സുശാന്തും സംഘവും അറസ്റ്റ് ചെയ്തത്.
ഇരിങ്ങാലക്കുട ജോളി ബാറിന് സമീപം ഒരാള് മദ്യവില്പ്പന നടത്തുന്നുണ്ടെന്ന രഹസ്യവിവരം ലഭിച്ചതിനെ തുടര്ന്ന് പോലീസ് സ്ഥലത്തെത്തി പരിശോധന നടത്തി. രണ്ട് ലിറ്റര് മദ്യകുപ്പിയുമായി റഫീക്ക് നില്ക്കുന്നത് കണ്ട് പോലിസ് അയാളേയും ചോദ്യം ചെയ്തു. ഇതില് പ്രകോപിതനായ ഇയാള് വനിതാ പോലീസുകാരെ ആക്രമിക്കുകയായിരുന്നെന്ന് നാട്ടുകാര് പറഞ്ഞു. വിവരമറിഞ്ഞ് സ്ഥലത്തെത്തിയ എസ്.ഐയുടെ നേതൃത്വത്തിലുള്ള സംഘം ഇയാളെ പിടികൂടുകയായിരുന്നു. പിടിയിലായ പ്രതി റഫീക്ക് മതിലകം, വലപ്പാട് തുടങ്ങിയ പോലീസ് സ്റ്റേഷനുകളില് നിരവധി ക്രിമിനല് കേസുകളില് പെട്ടയാളാണെന്ന് പോലീസ് പറഞ്ഞു. ഔദ്യോഗിക കൃത്യനിര്വ്വഹണം തടസ്സപ്പെടുത്തിയതിനും ആക്രമണം നടത്തിയതിനും വിവിധ വകുപ്പുകള് പ്രകാരമുള്ള കുറ്റമാണ് പ്രതിക്കെതിരെ ചുമത്തിയിരിക്കുന്നത്. വനിത എസ്.ഐ എം.ഡി അന്ന, എ.എസ്.ഐ ടി.കെ പ്രതാപന് എന്നിവരും പോലീസ് സംഘത്തിലുണ്ടായിരുന്നു.
