കോട്ടയം: ആര്എസ്എസിന്റെ ജന്മദിനമായ വിജയദശമിയോട് അനുബന്ധിച്ച് സംഘജില്ലയിലെ അഞ്ച് സ്ഥലങ്ങളില് ഇന്ന് പഥസഞ്ചലനവും പൊതുസമ്മേളനവും നടക്കും. കോട്ടയം ഖണ്ഡിന്റെ പഥസഞ്ചലനം കുടമാളൂരില് നിന്നും പൂത്തേട്ട് നിന്നും 2.30ന് ആരംഭിച്ച് കുമാരനല്ലൂര് ദേവിവിലാസം ഹൈസ്കൂള് മൈതാനിയില് സമാപിക്കും.
തുടര്ന്ന് നടക്കുന്ന പൊതുസമ്മേളനത്തില് ഏറ്റുമാനൂരപ്പന് കോളേജ് പ്രിന്സിപ്പല് പ്രൊഫ.ആര്.ഹേമന്ദകുമാര് അദ്ധ്യക്ഷനാകും. ആര്എസ്എസ് സഹപ്രാന്ത പ്രചാരക് എസ്.സുദര്ശന് പ്രഭാഷണം നടത്തും.
പുതുപ്പള്ളി ഖണ്ഡിന്റെ പഥസഞ്ചലനം ഐരാറ്റുനട ജംഗ്ഷനില് നിന്നാരംഭിച്ച് മണര്കാട് ക്ഷേത്രമൈതാനിയില് സമാപിക്കും. തപസ്യ കലാസാഹിത്യവേദി സംസ്ഥാന ജനറല് സെക്രട്ടറി രജികുമാര് പ്രഭാഷണം നടത്തും.
പാമ്പാടി ഖണ്ഡിന്റെ പഥസഞ്ചലനം 9-ാം മൈല് പ്രിയദര്ശിനി ജംഗ്ഷനില് നിന്ന് 2.30ന് ആരംഭിക്കുന്ന പഥസഞ്ചലനം പാമ്പാടി പഞ്ചായത്ത് മൈതാനിയില് സമാപിക്കും. തുടര്ന്ന് പൊതുപരിപാടിയില് ലഫ്.കേണല് ശാരദാനായര് അദ്ധ്യക്ഷയാകും. ആര്എസ്എസ് വിഭാഗ് കാര്യകാരി അംഗം ആര്.കണ്ണന് പ്രഭാഷണം നടത്തും.
കറുകച്ചാലില് ഖണ്ഡിലെ പഥസഞ്ചലനം ബസ്സ്റ്റാന്ഡ് പരിസരത്തുനിന്ന് ആരംഭിക്കും. ശാരദാ വിദ്യാമന്ദിരത്തില് നടക്കുന്ന സമാപന പരിപാടിയില് കോര്പ്പറേഷന് ബാങ്ക് സീനിയര് മാനേജര് സൂരജ് ബാലകൃഷ്ണപിള്ള അദ്ധ്യക്ഷനാകും. ആര്എസ്എസ് സഹപ്രാന്ത സേവാ പ്രമുഖ് ജി.വി.ഗിരീഷ് പ്രഭാഷണം നടത്തും.
ചങ്ങനാശേരിയില് റെയില്വേ സ്റ്റേഷന്, പെരുന്ന മന്നം ജംഗ്ഷന് എന്നിവിടങ്ങളിലില് നിന്ന് പഥസഞ്ചലനം ആരംഭിക്കും. മുന്സിപ്പല് സ്റ്റേഡിയത്തില് സമാപിക്കും. എസ്എന്ഡിപി ചങ്ങനാശേരി യൂണിയന് സെക്രട്ടറി പി.എം.ചന്ദ്രന് അദ്ധ്യക്ഷനാകും. ആര്എസ്എസ് ശബരിഗിരി ജില്ലാ സഹസംഘചാലക് ഡോ.വി.പി. വിജയമോഹനന് പ്രഭാഷണം നടത്തും.
കടുത്തുരുത്തി ഖണ്ഡിന്റെ നേതൃത്വത്തില് ഇന്ന് പഥസഞ്ചലനവും പൊതുസമ്മേളനം നടത്തും. വൈകി’്്്് 2.30ന്്്് മങ്ങാട്ട്ക്കാവ് ജംങ്ഷനില് നിന്ന് ആരംഭിക്കുന്ന പഥസഞ്ചലനം സെന്ട്രല് ജംങ്ഷനിലെത്തിച്ചേരും.തുടര്് നടത്തു സമ്മേളനം ആര്എസ്എസ് കോട്ടയം വിഭാഗ്കാര്യവാഹ് പി.ആര്.സജീവ് ബൗദ്ധിക് നടത്തും. മളളിയൂര് പരമേശ്വരന് നമ്പൂതിരി അദ്ധ്യക്ഷനാകും.
1925ല് വിജയദശമി ദിനത്തില് തുടക്കം കുറിച്ച ആര്എസ്എസിന്റെ 93-ാം ജന്മദിനമാണ് ഇന്ന് നടക്കുന്നത്. കേരളത്തിലെമ്പാടും ഇന്ന് നടക്കുന്ന പഥസഞ്ചലനവും പൊതുസമ്മേളനവും ഒരേസമയത്ത് തന്നെയാണ് തുടങ്ങുന്നതും അവസാനിക്കുന്നതും.
