കണ്ണൂര്: പള്ളിക്കുന്ന് ശ്രീപുരം സ്കൂളില് ആരംഭിച്ച ഐസിഎസ്ഇ ഐഎസ്സി കലോത്സവത്തില് 21 ഇനങ്ങള് പൂര്ത്തിയായപ്പോള് ഐഎസ്സി വിഭാഗത്തില് 20 പോയിന്റുമായി ആതിഥേയരായ ശ്രീപുരം ഇംഗ്ലീഷ് മീഡിയം ആന്ഡ് ജൂണിയര് കോളജ് മുന്നില്. 19 പോയിന്റോടെ തൃശൂര് ഹരിശ്രീ വിദ്യാനിധി സ്കൂളും 18 പോയിന്റോടെ തൃശൂര് സന്ദീപനി വിദ്യാനികേതനുമാണ് രണ്ടും മൂന്നും സ്ഥാനങ്ങളില്.
ഐസിഎസ്ഇ വിഭാഗത്തില് 30 പോയിന്റുമായി തൃശൂര് സന്ദീപനി വിദ്യാനികേതനാണ് ഒന്നാം സ്ഥാനത്ത്. 18 പോയിന്റുമായി തൃശൂര് ഹരിശ്രീ വിദ്യാനിധി സ്കൂളും 11 പോയിന്റുമായി തിരുവനന്തപുരം സെന്റ് തോമസ് റസിഡന്ഷ്യല് സ്കൂളുമാണ് രണ്ടും മൂന്നും സ്ഥാനത്ത്.
ഉത്തരമലബാര് ആദ്യമായി വേദിയൊരുക്കുന്ന കലോത്സവം ഇന്നലെ രാവിലെ കോട്ടയം അതിരൂപതാ സഹായ മെത്രാന് മാര് ജോസഫ് പണ്ടാരശേരില് ഉദ്ഘാടനം ചെയ്തു.
പ്രശസ്ത സിനിമാതാരം സൂധീഷ് മുഖ്യാതിഥി ആയിരുന്നു. എഎസ്ഐഎസ്സി കേരള റീജണ് പ്രസിഡന്റ് ഫാ.ജയിംസ് മുല്ലശേരി അധ്യക്ഷതവഹിച്ചു. സെക്രട്ടറി ഫാ. ജോര്ജ് മാത്യു, ശ്രീപുരം സ്കൂള് പിടിഎ പ്രസിഡന്റ് സി.കെ.കുര്യാച്ചന് എന്നിവര് പ്രസംഗിച്ചു. ഫാ.ഏബ്രഹാം പറമ്പേട്ട് സ്വാഗതവും ഫാ.ബിനു ചെറുകര നന്ദിയും പറഞ്ഞു.
കഴിഞ്ഞ ഐസിഎസ്ഇ, ഐഎസ്സി പരിക്ഷകളില് കേരളത്തില് ഏറ്റവും കൂടുതല് മാര്ക്ക് നേടിയവര്ക്ക് മാര് ജോസഫ് പണ്ടാരശേരില് അവാര്ഡ് സമ്മാനിച്ചു. കലോത്സവം ഇന്ന് സമാപിക്കും. വൈകുന്നേരം നാലിന് സമാപന സമ്മേളനം കെ.എം.ഷാജി എംഎല്എ ഉദ്ഘാടനം ചെയ്യും
