കണ്ണൂര്: എസ്ടിയു സംസ്ഥാന നേതൃക്യാമ്പ് 13, 14 തിയ്യതികളില് പയ്യാമ്പലം മര്മ്മറ റിസോര്ട്ടില് നടക്കും. 13ന് കാലത്ത് 11 മണിക്ക് പി.കെ.കുഞ്ഞാലിക്കുട്ടി എംപി ക്യാമ്പ് ഉദ്ഘാടനം ചെയ്യുമെന്ന് സംസ്ഥാനപ്രസിഡന്റ് അഹമ്മദ്കുട്ടി ഉണ്ണികുളം വാര്ത്താസമ്മേളനത്തില് പറഞ്ഞു. സംഘനാസെഷന് മുസ്ലീം ലീഗ് ജനറല് സെക്രട്ടറി കെ.പി.എ മജീദ് ഉദ്ഘാടനം ചെയ്യും. കെയുഡബ്ല്യുജെ നിയുക്ത പ്രസിഡന്റ് കമാല് വരദൂരിനെ ചടങ്ങില് ആദരിക്കും. ഉച്ചക്ക് സെഷന് രണ്ടില് ട്രേഡ് യൂണിയന് സ്കൂളില് പിഎഫ് നിയമങ്ങളും പരിഷ്ക്കാരങ്ങളും എന്ന വിഷയത്തില് ചര്ച്ച നടക്കും. പി.എസ്.അബ്ബാസ് വിഷയം അവതരിപ്പിക്കും. വൈകീട്ട് നാലിന് ട്രേഡ് യൂണിയന് നിയമ പരിഷ്കാരങ്ങള് എന്ന വിഷയത്തില് ജില്ലാ ലേബര് ഓഫീസര് ബേബി കാസ്ട്രോ സംസാരിക്കും. സെഷന് നാലില് വ്യക്തിത്വവികസനവും പൊതുപ്രവര്ത്തകരും എന്ന വിഷയം ലുഖ്മാന് അരീക്കോട് അവതരിപ്പിക്കും. 14ന് ഉച്ചക്ക് സമാപന സമ്മേളനം ഇ.ടി.മുഹമ്മദ് ബഷീര് എംപി ഉദ്ഘാടനം ചെയ്യും. തൊഴിലാളി ദ്രോഹനയങ്ങള്ക്കതിരെ വിവിധ പ്രക്ഷോഭങ്ങള്ക്ക് എസ്ടിയു രൂപം നല്കും. ഇതിന്റെ ഭാഗമായി നവംബര് ഏഴിന് എസ് ടി യു ദേശീയ സമിതി നടത്തുന്ന ഡല്ഹി മാര്ച്ചും ഒമ്പത്, പത്ത്, 11 തിയ്യതികളില് ഐക്യട്രേഡ് യൂനിയന് നടത്തുന്ന ഡല്ഹി മഹാധര്ണയും വിജയിപ്പിക്കുവാനുള്ള പരിപാടികള് ക്യാമ്പില് ആവിഷ്ക്കരിക്കും. വാര്ത്താസമ്മേളനത്തില് അഡ്വ എം റഹ്മത്തുള്ള, എം എ കരീം എന്നിവരും പങ്കെടുത്തു.
എസ്ടിയു സംസ്ഥാന നേതൃക്യാമ്പ് 13,14 തിയ്യതികളില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.