പെരുങ്ങോട്ടുകുറിശ്ശി:പെരുങ്ങോട്ടുകുറിശ്ശി മണ്ഡലം ബാലഗോകുലം ശ്രീകൃഷ്ണ ജയന്തി 12ന് ആഘോഷിക്കും. രാവിലെ നടക്കുന്ന പ്രത്യേക പൂജകള്ക്കു ശേഷം വൈകിട്ട് നാലിനു വാദ്യ അകമ്പടിയോടുകൂടി മണ്ഡലത്തിലെ 11 സ്ഥാനീയ സമിതികളുടെ ശോഭായാത്ര ആരംഭിക്കും. ഗവ.ഹയര് സെക്കന്ഡറി സ്കൂള് മൈതാനത്തില് സംഗമിക്കുന്ന ശോഭായാത്ര വൈകിട്ട് അഞ്ചരയോടെ ശ്രീരാമപുരം മഹാവിഷ്ണു ശിവക്ഷേത്രത്തിലെത്തുന്നതോടെ ഉത്സവത്തിനു സമാപനമാകുമെന്നു ഉത്സവ പ്രമുഖ് മുരളി മണ്ണില് അറിയിച്ചു.
ശ്രീകൃഷ്ണപുരം:കോട്ടപ്പുറം കുന്നംതൃക്കോവില് ശ്രീകൃഷ്ണക്ഷേത്രത്തില് 12ന് ശ്രീകൃഷ്ണജയന്തി ആഘോഷം നടക്കും. രാവിലെ അഷ്ടദ്രവ്യ ഗണപതിഹോമം, വൈകീട്ട് 6.30ന് ശോഭായാത്ര സംഗമം എന്നിവ നടക്കും.
തിരുമിറ്റക്കോട്: വിവിധ ബാലഗോകുലങ്ങളുടെ ആഭിമുഖ്യത്തില് ശ്രീകൃഷ്ണജയന്തിബാലദിനം ആഘോഷിക്കും.
പരിസ്ഥിതി സംരക്ഷണത്തിന് ഊന്നല്കൊടുത്തുകൊണ്ടാണ് തൃത്താലമേഖലയിലെ ശ്രീകൃഷ്ണജയന്തി ആഘോഷം.
മേഖലയില് 40 സ്ഥലങ്ങളിലായി ശോഭായാത്രകളുണ്ടാവും. മേഴത്തൂര്, കറുകപുത്തൂര്, നെല്ലിക്കാട്ടിരി, ചാലിശ്ശേരി, കാഞ്ഞിരത്താണി, കല്ലടത്തൂര്, കുമ്പിടി, കോതച്ചിറപെരിങ്ങോട്, വാവന്നൂര്, ഞാങ്ങാട്ടിരി തുടങ്ങി പത്തോളം കേന്ദ്രങ്ങളില് മഹാശോഭായാത്രയും ഉണ്ടായിരിക്കും. കൂടാതെ വിവിധയിടങ്ങളില് സാംസ്കാരികസമ്മേളനങ്ങള്, വ്യക്തിത്വവികാസ ക്ലാസുകള്, ലഹരിവിരുദ്ധ ബോധവത്കരണം, സെമിനാറുകള്, വൃക്ഷത്തൈ നടല്, ഗോപരിപാലകരെയും കര്ഷകരെയും ആദരിക്കല്, കുടുംബസംഗമം, മത്സരങ്ങള്, ഉറിയടി എന്നിവ നടക്കും.പട്ടാമ്പി:ശ്രീകൃഷ്ണ ജയന്തി ആഘോഷങ്ങള്ക്ക് തുടക്കംകുറിച്ച് പാട്ടാമ്പിയില് 30 ഓളം കേന്ദ്രങ്ങളില് പതാകദിനം നടന്നു. 12ന് ശോഭായാത്രയ്ക്ക് മുന്നോടിയായി എല്ലാ കേന്ദ്രങ്ങളിലും ഗോപൂജ നടക്കും. 80 ഓളം കേന്ദ്രങ്ങളില് ശോഭായാത്രയും 9 സ്ഥലങ്ങളില് മഹാശോഭായാത്രയും നടക്കും. പെരുമൂടിയൂര്, തെക്കേകുളം, വടക്ക്മുറി, പട്ടാമ്പി കീഴായൂര്, കൊടലൂര്, അണ്ടലാടി, ശങ്കരമംഗലം, വള്ളൂര് എന്നിവിടങ്ങളിലെ ശോഭായാത്ര പന്തക്കല് ക്ഷേത്രമൈതാനിയില് സംഗമിച്ച് പട്ടാമ്പി ശ്രീഗുരുവായൂരപ്പന് ക്ഷേത്രത്തില് സമാപിക്കും. പട്ടാമ്പി, വാടാനാംകുറുശ്ശി, കൊപ്പം, മുളയംകാവ്, വിളയൂര്, പരുതൂര്, മുതുമല, മരുതൂര് എന്നിവിടങ്ങളിലും മഹാശോഭായാത്ര നടക്കും. പത്രസമ്മേളനത്തില് ആര്എസ്എസ് ഖണ്ഡ് സഹകാര്യവാഹ് കെ.സനൂഷ്, ബാലഗോകുലം താലൂക്ക് അദ്ധ്യക്ഷന് പി.കെ.രഞ്ജിത്, ബാലഗോകുലം താലൂക്ക് കാര്യദര്ശി എ.രതീഷ്, സ്വാഗതസംഘം അധ്യക്ഷന് പി.ശിവകുമാര് എന്നിവര് പങ്കെടുത്തു.
