കോഴിക്കോട്: കേരളത്തില് ആത്മഹത്യ ചെയ്യുന്നതില് 75 ശതമാനം പുരുഷന്മാരാണെന്ന് കണക്ക്. ആത്മഹത്യ ചെയ്യുന്നവരില് അമ്പത് ശതമാനവും 15നും 45നും ഇടയ്ക്കു പ്രായമുള്ളവരാണ്. കേരളത്തിലെ 75 ശതമാനം ആത്മഹത്യകളും വിവാഹിതരുടെ ഇടയിലാണ്. വിഷം കഴിച്ചുള്ള ആത്മഹത്യകള് കുറയുകയാണ് 33 ശതമാനം. അതേസമയം തൂങ്ങിമരണങ്ങള് കൂടുകയാണ് 57 ശതമാനം.
ലോകാരോഗ്യ സംഘടനയുടെ കണക്കനുസരിച്ച് ഓരോ വര്ഷവം ലോകത്താകെ ഒരു കോടി പേരെങ്കിലും ജീവനൊടുക്കുന്നുണ്ട്. ഓരോ മിനിറ്റിലും രണ്ട് ആത്മഹത്യ. ഓരോ ആത്മഹത്യ നടക്കുമ്പോഴും 20 ആത്മഹത്യാ ശ്രമങ്ങളുമുണ്ട്. 2015 ല് ഇന്ത്യയില് 1,34,623 പേരാണ് ആത്മഹത്യ ചെയ്തത്. കേരളത്തില് ആത്മഹത്യകള് കുറയുകയാണ്. 2003 ല് ഒരു ലക്ഷത്തില് 28.9 ആയിരുന്നു നിരക്കെങ്കില് ഇപ്പോള് 21.6 ആയി. എറ്റവും മുന്നിലായിരുന്നു കേരളം രണ്ട് വര്ഷമായി എട്ടാം സ്ഥാനത്താണ്. ആരോഗ്യ, സാമ്പത്തിക, മാധ്യമ മേഖലയിലെ സംഘടിതമായ പ്രവര്ത്തനങ്ങളാണ് മാറ്റത്തിന് കാരണമെന്ന് സൈക്കോളജിസ്റ്റും കോഴിക്കോട് തണല് ഫൗണ്ടേഷന് ട്രസ്റ്റ് ചെയര്മാനുമായ ഡോ. പി.എന്. സുരേഷ് കുമാര് പറഞ്ഞു.
കേരളത്തിലെ ആത്മഹത്യകളില് 36.5 ശതമാനം കുടുംബപ്രശ്നങ്ങള് മൂലവും 24.1 ശതമാനം മാനസിക, ശാരീരിക രോഗങ്ങള് മൂലവുമാണെന്ന് നാഷണല് ക്രൈം റെക്കോര്ഡ് ബ്യൂറോയുടെ റിപ്പോര്ട്ടില് പറയുന്നു. വിവാഹിതര്ക്കിടയിലെ ആത്മഹത്യ കൂടുകയാണിവിടെ. സ്ത്രീകളില് കുടുംബിനികളാണ് കൂടുതലും ആത്മഹത്യ ചെയ്യുന്നത്. മൂന്ന് വര്ഷം മുമ്പ് വരെ കുടുംബ ആത്മഹത്യകളുടെ കാര്യത്തില് കേരളമായിരുന്നു മുമ്പില്.
ലോകാരോഗ്യ സംഘടനയുടെയും അന്താരാഷ്ട്ര ആത്മാഹത്യാ വിരുദ്ധ സംഘടനയുടേയും സംയുക്ത ആഹ്വാനമനുസരിച്ച് നാളെ ലോക ആത്മഹത്യാ പ്രതിരോധദിനമായി ആചരിക്കും. ഒരു മിനിറ്റ് നീക്കിവെയ്ക്കൂ, ഒരു ജീവിതം രക്ഷിക്കാം എന്നതാണ് ഈ വര്ഷത്തെ സന്ദേശം.
