ആലപ്പുഴ: കയറുല്പ്പന്നങ്ങളുടെ വിപണനവും സമഗ്ര പ്രചാരണവും ലക്ഷ്യമിട്ട് സംസ്ഥാന കയര് വികസന വകുപ്പ് സംഘടിപ്പിച്ചിട്ടുളള ഓണം കയര് കാര്ണിവല് ജനശ്രദ്ധയാകര്ഷിക്കുന്നു. മേളയുടെ 118 കേന്ദ്രങ്ങളിലും നല്ല തിരക്കാണ് അനുഭവപ്പെടുന്നത്.
ആയിരം രൂപയുടെ കൂപ്പണ് ഉപയോഗിച്ച് രണ്ടായിരം രൂപയുടെ തിരഞ്ഞെടുത്ത ഉല്പ്പന്നങ്ങള് വാങ്ങാവുന്ന പ്രത്യേക ആനുകൂല്യമാണ് മേളയുടെ മുഖ്യ ആകര്ഷണം. എല്ലാ ഉല്പ്പന്നങ്ങള്ക്കും അമ്പതു ശതമാനം വിലക്കിഴിവും നല്കുന്നു. ഓരോ ആഴ്ചയിലും നറുക്കെടുപ്പിലൂടെ ഓരോ പവന് സ്വര്ണ്ണ സമ്മാനവും, ബംബര് സമ്മാനമായി കാറും നേടാന് അവസരമുണ്ട്.
സര്ക്കാര് ജീവനക്കാര്ക്ക് തവണ വ്യവസ്ഥയില് കയറുല്പ്പന്നങ്ങള് വാങ്ങാനുള്ള പ്രത്യേക പദ്ധതിയും മേളയിലേയ്ക്ക് ആളുകളെ ആകര്ഷിക്കാന് കാരണമായിട്ടുണ്ട്. വര്ദ്ധിച്ചു വരുന്ന ജനത്തിരക്കും കൂടുതല് വിപണന ശാലകള്ക്കായുള്ള ആവശ്യവും കണക്കിലെടുത്ത് മേള കൂടുതല് കേന്ദ്രങ്ങളിലേക്ക് വ്യാപിപ്പിക്കുവാനും തീരുമാനമായി.
