കട്ടപ്പന: 6 ഗ്രാം കഞ്ചാവുമായി തേനി സ്വദേശിയെ എക്സൈസ് സംഘം പിടികൂടി. കമ്പംമെട്ട് ചെക്ക്പോസ്റ്റില് നടത്തിയ പരിശോധനയിലാണ് തേനി ചിന്നമന്നൂര് ഷെയ്ക്ക് മൊയ്തീന് തെരുവില് മാധവന്(36) നെ എക്സൈസ് സംഘം പിടികൂടിയത്. കരുണാപുരം മേഖലയില് ചക്ക ബിസിനസ് നടത്തുന്ന ആളാണ് ഇദ്ദേഹം. കമ്പത്തുനിന്നും കമ്പംമെട്ടില് വന്നിറങ്ങി നെടുങ്കണ്ടം റൂട്ടില് നടന്നുവരവെ ദേഹപരിശോധനയ്ക്കിടെ ഇദ്ദേഹം എക്സൈസിന്റെ പിടിയിലാവുകയായിരുന്നു. എക്സൈസ് ഇന്സ്പെക്ടര് ജി അനില്കുമാര്, സിവില് എക്സൈസ് ഓഫീസര്മാരായ അനന്ത് രാജ്, ടെന്നിസണ്, ജോസ് പ്രിവന്റീവ് ഓഫീസര് ജോണ്സന് എന്നിവരടങ്ങിയ സംഘമാണ് പ്രതിയെ പിടികൂടിയത്.
പ്രതികരിക്കാൻ ഇവിടെ എഴുതുക: