പയ്യന്നൂര്: ഭാരതസ്വാതന്ത്ര്യ സമരത്തിന്റെ ധീരസ്മരണകളുയരുന്ന, രണ്ടാം ബര് ദോളിയെന്നറിയപ്പെടുന്ന പയ്യന്നൂരിന്റെ മണ്ണില് പുതിയൊരു സ്വാതന്ത്യ സമരത്തിന്റ തുടക്കം കുറിക്കുകയാണ്. ബ്രിട്ടീഷ് മേല്ക്കോയ്മയില് നിന്ന് സ്വാതന്ത്ര്യം നേടിയെങ്കിലും മറ്റ് രാഷ്ട്രീയ പാര്ട്ടികള്ക്ക് പ്രവര്ത്തന സ്വാതന്ത്രം അതുവദിക്കാത്ത സിപിഎമ്മിന്റെയും കേരള പോലീസിന്റെയും ഭീകരതകളില് നിന്നും സ്വാതന്ത്ര്യം നേടാന് വേണ്ടി ബിജെപിയുടെ നേതൃത്വത്തിലാണ് വന് ജനകീയ മുന്നേറ്റത്തിന് തയ്യാറെടുപ്പുകള് നടക്കുന്നത്.
സിപിഎം ശക്തികേന്ദ്രങ്ങളായ കണ്ണുര് ജില്ലയിലെ വിവിധ പ്രദേശങ്ങളില് മറ്റ് രാഷ്ടീയ പാര്ട്ടികള്ക്ക് യാതൊരു പ്രവര്ത്തന സ്വാതന്ത്ര്യവും അനുവദിക്കാതെ ജനാധിപത്യ രീതിയില് പ്രവര്ത്തിക്കുന്നവരെ പേശീബലം കാട്ടി ഭീഷണിപ്പെടുത്തിയ് ശാരീരികമായും മാനസികമായും പീഡിപ്പിച്ചുമുള്ള പ്രവര്ത്തനത്തെ ദേശീയ ശ്രദ്ധയില് കൊണ്ടുവരാനും അക്രമ രാഷട്രീയത്തിന്റെ പ്രയോക്താക്കളെ സമൂഹത്തില് ഒറ്റപ്പെടുത്താനും വേണ്ടിയാണ് ജനകീയ സമരങ്ങള് സംഘടിപ്പിക്കുന്നത്.
പയ്യന്നൂരില് നടക്കുന്നത് യഥാര്ത്ഥത്തിന് അക്രമണമല്ല മറിച്ച് ഭീകരതയാണ്. മനുഷ്യന്റെ തലയറുത്ത് വെക്കുകയും കയ്യും കാലും വെട്ടിമാറ്റുകയും ചെയ്യുന്ന സിപിഎമ്മിന്റെ പൈശാചിക മുഖം ജനമനസ്സാക്ഷിക്കു മുന്നില് എത്തിക്കാനുള്ള പരിപാടികളുടെ ആദ്യപടിയായി ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് നയിക്കുന്ന ജനരക്ഷായാത്ര സപ്തംബര് 7 ന് രാവിലെ 10 മണിക്ക് പയ്യന്നൂരില് ദേശീയ അദ്ധ്യക്ഷന് അമിത് ഷാ ഉദ്ഘാടനം ചെയ്യും. മദ്ധ്യപ്രദേശ് മുഖ്യമന്ത്രി ശിവരാജ് ചൗഹാനടക്കമുള്ള മുഖ്യമന്ത്രിമാര്, കേന്ദ്രമന്ത്രിമാര്, ദേശീയ നേതാക്കള്, സംസ്ഥാന നേതാക്കള് തുടങ്ങിയ നേതാക്കള് പയ്യന്നൂര് മുതല് പിലാത്തറ വരെയുള്ള പദയാത്ര നയിക്കും.. ബലിദാനികളുടെ കുടുംബാംഗങ്ങള്, അക്രമത്തില് പരിക്ക് പറ്റിയവര് തുടങ്ങിയവരടക്കം പതിനായിരക്കണക്കിനാളുകള് പങ്കെടുക്കുന്ന പദയാത്ര യുടെ ആദ്യദിനത്തിലെ സമാപനം പിലാത്തറയില് നടക്കും.
