കാട്ടാക്കട: താലൂക്ക് സപ്ലൈ ഓഫീസിലെ കയ്യാങ്കളിയില് വനിതാ ജീവനക്കാരിക്ക് മര്ദ്ദനം.കാട്ടാക്കട താലൂക്ക് സപ്ലൈ ഓഫീസറുടെ പരാതിയുടേയും മര്ദ്ദനമേറ്റ ജീവനക്കാരിയുടെ മൊഴിയുടെയും അടിസ്ഥാനത്തില് കാട്ടാക്കട പോലീസ് കേസെടുത്തു. പൂവച്ചല് ആലമുക്ക് സ്വദേശിയ മുഹമ്മദ് ഹുസൈനെതിരെയാണ് കേസ്. കൃത്യ നിര്വഹണത്തിന് തടസ്സം ചെയ്തതിനും വനിതാ ജീവനക്കാരിയെ മര്ദ്ദിച്ചതിനും അറസ്റ്റിലായ ഇയാളെ കോടതിയില് ഹാജരാക്കി റിമാന്റ് ചെയ്തു. ഹുസൈനും മാതാവും ഇവരുടെ രണ്ടാം ഭര്ത്താവും തമ്മില് റേഷന് കാര്ഡിനെ ചൊല്ലിയുണ്ടായ തര്ക്കമാണ് മര്ദനത്തില് കലാശിച്ചത്. ഇവര് തമ്മിലുള്ള തര്ക്കത്തിനിടയില് പക്ഷം പിടിച്ചുവെന്ന് ആരോപിച്ച് വനിതാ എല്ഡി ക്ലര്ക്കിനെ ഹുസൈന് മര്ദ്ദിക്കുകയായിരുന്നു. അടിയുടെ ആഘാതത്തില് ജീവനക്കാരി സമീപത്തു വച്ചിരുന്ന മിനറല് വാട്ടര് ക്യാനിനു പുറത്തേക്ക് വീണു. സഹപ്രവര്ത്തകരാണ് ഇവരെ ആശുപത്രിയില് പ്രവേശിപ്പിച്ചത്. ഇവരുടെ കൈക്ക് ചതവുണ്ട്.
ജീവനക്കാരിക്ക് മര്ദ്ദനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.