ആലപ്പുഴ: സന്ധിരോഗ വിദഗ്ദ്ധരുടെ സംഘടനയായ ഇന്ത്യന് റുമറ്റോളജി അസോസിയേഷന് കേരള ഘടകത്തിന്റെ വാര്ഷിക സമ്മേളനവും തുടര് വിദ്യാഭ്യാസ പരിപാടിയും 19നും 20നും ആലപ്പുഴയില്. ഇരുന്നൂറിലേറെ സന്ധിരോഗ വിദഗ്ധരും മെഡിക്കല് ബിരുദാനന്തര ബിരുദ വിദ്യാര്ത്ഥികളും പങ്കെടുക്കും.
19ന് വൈകിട്ട് അഞ്ചിന് ലേക് പാലസ് റിസോര്ട്ടില് ഇന്ത്യന് റുമറ്റോളജി അസോസിയേഷന്റെ മുന് ദേശീയ അധ്യക്ഷന് ഡോ. കെ.എം. മഹേന്ദ്രനാഥ് ഉദ്ഘാടനം ചെയ്യും. ഡോ. ജോയി ഫിലിപ്പിനെ ആദരിക്കും. ഇരുപതോളം സന്ധിരോഗ വിദഗ്ദ്ധര് സമ്മേളനത്തില് പ്രബന്ധങ്ങള് അവതരിപ്പിക്കും.
രോഗികള്ക്ക് ആശയവിനിമയം നടത്താന് മീറ്റ് ദി ഡോക്ടര് പരിപാടിയും സംഘടിപ്പിച്ചിട്ടുണ്ടെന്ന് അസോസിയേഷന് കേരള ഘടകം സെക്രട്ടറി ഡോ. ബി. പത്മകുമാറും പ്രസിഡന്റ് ഡോ. ബിനോയ് ജെ. പോളും അറിയിച്ചു.
