മല്ലപ്പള്ളി: ഭാരത്തിന്റെ സ്വാതന്ത്ര്യദിനം ആഘോഷിക്കുവാന്‍ ദിവസങ്ങള്‍ മാത്രം ബാക്കി നില്‍ക്കെ എഴുമറ്റൂര്‍ പനമറ്റത്തുകാവ് ക്ഷേത്രം മേല്‍ശാന്തി വലിയകുന്നം ഹരി കുമാരന്‍ നമ്പൂതിരി രചിച്ച ദേശഭക്തി ഗാനം സാമൂഹ മാധ്യമങ്ങളില്‍ ശ്രദ്ധേയമാകുന്നു.
സ്‌കൂള്‍ കുട്ടികളില്‍ സ്വാതന്ത്ര്യ ദിനത്തിന്റെ മഹത്വം എത്തിക്കുവാനായാണ് ഗാനത്തിന്റെ ശ്രമം. സുഹൃത്തായ ആര്‍എല്‍വി സനോജ് പിറമറ്റം സ്വാതന്ത്ര്യ ദിനത്തിനോടനുബന്ധിച്ച് ഒരു ദേശഭക്തിഗാനം ചിട്ടപ്പെടുത്തണം എന്ന് ആവശ്യപ്പെട്ടപ്പോള്‍ അഞ്ച് ദിവസം കൊണ്ട് കവിതയെഴുത്ത് പൂര്‍ത്തിയായി. ജയജയഭാരത സുന്ദര ഗാത്രി എന്ന് തുടങ്ങുന്ന ഗാനത്തിന് സംഗീതം നല്കി ആലപിച്ചത് സനോജ് പുറമറ്റം തന്നെയാണ.്
ജന്മനാഅന്ധതബാധിച്ച സനോജ് നിരവധി ഗാനങ്ങള്‍ക്ക് സംഗീത സംവിധാനം ചെയ്തിട്ടുണ്ട്.
ഗാനം ഹിറ്റായതൊടെ ഹരി കുമാരന്‍ നമ്പൂതിരിയെയും ആര്‍എല്‍വി സനോജിനെയും കാത്ത് നിരവധി അവസരങ്ങളും ഇപ്പോള്‍ വന്നിട്ടുണ്ട്‌
