കൊച്ചി: കെപിഎംഎസിന്റെ പേരില് സമ്മേളനങ്ങളും പണപ്പിരിവും ഉള്പ്പടെയുള്ളവ നടത്താന് പാടില്ലെന്ന കോടതി ഉത്തരവ് നിലനില്ക്കെ തൃശൂരില് നടക്കുന്ന സമ്മേളനത്തില് നിന്ന് മുഖ്യമന്ത്രിയും പ്രതിപക്ഷ നേതാവും അടക്കമുള്ള ജനപ്രതിനിധികള് വിട്ടുനില്ക്കണമെന്ന് ജനറല് സെക്രട്ടറി തുറവൂര് സുരേഷ് ആവശ്യപ്പെട്ടു.
എറണാകുളം ജുഡീഷ്യല് ഫസ്റ്റ് ക്ലാസ്സ് മജിസ്ട്രേറ്റ് കോടതിയില് നിന്ന് പുന്നല ശ്രീകുമാറിന് അറസ്റ്റ് വാറണ്ടുള്ളതാണ്. വാറണ്ട് പ്രതിക്കൊപ്പം കേരളത്തിലെ ആഭ്യന്തര മന്ത്രി വേദി പങ്കിടുന്നത് ഭരണഘടനാവിരുദ്ധമാണ്. ഇത് സംബന്ധിച്ച് എല്ലാവര്ക്കും രേഖാമൂലം കത്ത് നല്കിയിട്ടുണ്ട്. ശ്രീകുമാറിനെതിരെയുള്ള കേസ് തള്ളിയെന്ന വാദം തെറ്റാണ്. നിലവില് കേസിലെ തുടര്നടപടികള് വീണ്ടും ആരംഭിച്ച സാഹചര്യത്തില് വാര്ത്താസമ്മേളനങ്ങള് നടത്തി തെറ്റായ വാര്ത്തകള് പ്രചരിപ്പിക്കുകയാണ്.
കെപിഎംഎസ്സിന് അനുവദിച്ച കോളേജ് അയ്യന്കാളി കള്ച്ചറല് ട്രസ്റ്റിന്റെ പേരില് തട്ടിയെടുക്കുകയും ചെയ്തു. ഈ കോളേജിന് എയ്ഡഡ് പദവിയോ, യു ജി സി അംഗീകാരമോ ഇല്ല. 2006ല് 2,00,000 അംഗങ്ങളുണ്ടായിരുന്ന സംഘടനയില് 2017ല് 1,80,000 പേരും ഔദ്യോഗിക പക്ഷത്താണ്. ഏതാനും പേര് മാത്രമാണ് വിമതപക്ഷത്തുള്ളത്.
കേരളത്തിലെ പ്രബലമായ പട്ടികജാതി സംഘടനയെ തകര്ക്കുക എന്ന ഗൂഢലക്ഷ്യവും ഇത്തരം വിമത പ്രവര്ത്തനങ്ങള്ക്ക് പിന്നിലുണ്ട്. എല്ലാ വിമത പക്ഷ നീക്കങ്ങളെയും കോടതിയില് ചോദ്യം ചെയ്യുമെന്നും തുടര് നടപടികള് ആലോചിക്കുന്നതിനായി 20ന് ചാലക്കുടി ശ്രീനാരായണ ഹാളില് സംസ്ഥാന കൗണ്സില് യോഗം വിളിച്ചു ചേര്ത്തിട്ടുണ്ടെന്നും അദ്ദേഹം പറഞ്ഞു.
