തൃശൂര്: ഹോം നഴ്സിംഗ് സ്ഥാപനത്തില് നിന്ന് 1,20, 000 രൂപ കവര്ന്ന ഹോംനഴ്സിനെ അറസ്റ്റ് ചെയ്തു. വലപ്പാട് പഴച്ചോട് കൊട്ടുക്കല് രശ്മി (23) യെയാണ് പേരാമംഗലം പൊലീസ് അറസ്റ്റ് ചെയ്തത്. അമല നഗറിലുള്ള അമല ഹോം നഴ്സിംഗ് സ്ഥാപനത്തില് മേയ് മാസത്തിലാണ് സംഭവം.
സംഭവത്തിന് രണ്ട് മാസം മുമ്പ് ജോലിക്കായി ചേര്ന്ന യുവതി കുന്നംകുളത്ത് ഒരു വീട്ടിലേക്ക് പോകുന്നതിന്റെ മുന്നോടിയായി ഓഫീസിലെത്തുകയായിരുന്നു. ഇതിനിടെ ഉടമയുടെ മേശക്കുള്ളില് പണം കണ്ട യുവതി കുന്നംകുളത്തേക്ക് പോയ ശേഷം വീണ്ടും തിരിച്ചെത്തുകയും സ്ഥാപന ഉടമ പ്രഥാമികാവശ്യത്തിന് പോയ സമയത്ത് പണവുമായി കടന്നു കളഞ്ഞതായുമാണ് കേസ്. ബി. സി. എ ബിരുദധാരിയായ യുവതി മോഷണത്തിന് ശേഷം എന്നിവിടങ്ങളില് ഒളിച്ചു കഴിയുകയായിരുന്നു.
പേരാമംഗലം സി.ഐ. സന്തോഷ്, എസ്.ഐ. ലാല്കുമാര്, എഎസ്ഐ അനൂപ്, വനിതാ സിപിഒ ഷൈജ എന്നിവരടങ്ങുന്ന സംഘമാണ് പ്രതിയെ പിടികൂടിയത്.
