തിരുവല്ല: കേരളത്തില് ഭരണമുന്നണിയുടെ തണലില് സിപിഎം ഗുണ്ടായിസം നടത്തുകയാണന്ന് ബിജെപി സംസ്ഥാന ട്രഷറാര് കെ.ആര് പ്രതാപചന്ദ്രവര്മ്മ.
നേതാക്കള് അടക്കമുള്ള ബിജെപി പ്രവര്ത്തകരെ വധിക്കാനാണ്് സിപിഎം ഗുണ്ടകള് സംസ്ഥാന കമ്മറ്റി ഓഫീസിന് നേരെ ആക്രമണം നടത്തിയത്.കേരളത്തില് സംഘപരിവാര് പ്രവര്ത്തകര്ക്ക് ജീവിക്കാനുള്ള അവകാശം പിണറായിയും കുട്ടിസഖാക്കളും അട്ടിമറിക്കുകയാണെന്നും അദ്ദേഹം പറഞ്ഞു.
സംഭവത്തില് പ്രതിഷേധിച്ച് ബിജെപി പ്രവര്ത്തകര് തിരുവല്ലയില് നടത്തിയ പ്രകടനം ഉദ്ഘാടനം ചെയ്ത് സംസാരിക്കുകയായിരുന്നു കെ.ആര് പ്രതാപചന്ദ്രവര്മ്മ
തിരുവനന്തപുരത്ത് ബിജെപി ഓഫീസിന് നേരെ നടന്ന അക്രമ സംഭവങ്ങളില് കുറ്റക്കാരായവര്ക്കെതിരെ കൊലപാതക ശ്രമത്തിന് കേസെടുക്കണമെന്നും അദ്ദേഹം ആവശ്യപ്പെട്ടു.സംസ്ഥാനത്തെ പോലീസ് സ്റ്റേഷനുകളില് ഭൂരിഭാഗവും നിയന്ത്രിക്കുന്നത് എ.കെ.ജി സെന്ററില് നിന്നാണ്.സേനയിലെ അസ്വാരസ്യങ്ങള് പരിഹരിക്കാത്ത സര്ക്കാരാണ് സാധാരണക്കാരനെ തല്ലിച്ചതയ്ക്കാന് പോലീസിനെ അഴിച്ചുവിടുന്നത്.ഇക്കാര്യത്തില് സ്വന്തം മുന്നണിയിലുള്ളവരുടെ പിന്തുണ പോലും പിണറായിക്കില്ല.വിഷയത്തില് ഗവര്ണര് ഇടപെടണമെന്നും കെ.ആര് പ്രതാപചന്ദ്രവര്മ്മ. ആവശ്യപ്പെട്ടു.മണ്ഡലം പ്രസിഡന്റ് കുറ്റൂര് പ്രസന്നകുമാര് അദ്ധ്യക്ഷത വഹിച്ചു.ജില്ല പ്രസിഡന്റ അശോകന് കുളനട. ജന.സെക്രട്ടറി അഡ്വ.എസ്.എന് ഹരികൃഷ്ണന്,മണി എസ്. തിരുവല്ല എന്നിവര് പ്രസംഗിച്ചു.
