അമ്പലപ്പുഴ: ചികിത്സ തേടിയെത്തിയ അമ്മയ്ക്കും മകനും നേരെ ഡോക്ടര് അസഭ്യം പറഞ്ഞതായി പരാതി. വണ്ടാനം മെഡിക്കല് കോളേജ് ആശുപത്രിയിലെ സര്ജറി വിഭാഗം അത്യാഹിതത്തില് ഡ്യൂട്ടിയിലുണ്ടായിരുന്ന യുവ ഡോക്ടറാണ് എട്ടാം ക്ലാസ് വിദ്യാര്ത്ഥിയായ മകനുമായി എത്തിയ യുവതിക്കുനേരെ അസഭ്യം പറഞ്ഞത്. തിങ്കളാഴ്ച വൈകിട്ടായിരുന്നു സംഭവം. കാക്കാഴം ഗവ. എച്ച്എസിലെ വിദ്യാര്ത്ഥിയായ കുട്ടി സ്കൂള് വിട്ടതിനുശേഷം ട്യൂഷനുപോയിരുന്നു. കടുത്ത തലവേദന അനുഭവപ്പെട്ടപ്പോള് അദ്ധ്യാപകന് അമ്മയെ വിവരമറിയിച്ചു. ദിവസ വേതനാടിസ്ഥാനത്തില് ആശുപത്രിയില് മുമ്പ് ജോലി നോക്കിയിരുന്ന വിധയയായ ഇവര് മകനുമായി ആശുപത്രിയിലെത്തിയെങ്കിലും ഡോക്ടര് ഇവരോട് അനാവശ്യമായി തട്ടിക്കയറുകയും അസഭം പറയുകയുമായിരുന്നുവെന്നാണ് പരാതി. സംഭവം വിവാദമായതോടെ സര്ജറി അത്യാഹിതത്തില് നിന്ന് മറ്റൊരു ഡോക്ടര് എത്തി കുട്ടിക്ക് ചികിത്സ നല്കുകയായിരുന്നുവെന്ന് യുവതി പറഞ്ഞു.
ഡോക്ടര് യുവതിയെ അസഭ്യം പറഞ്ഞെന്ന് പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.