ആലത്തൂര്: കഞ്ചാവുമായി പ്രൊഫഷണല് ഡാന്സര്മാരുള്പ്പടെ മൂന്ന് പേരെ ആലത്തൂര് പോലീസ് അറസ്റ്റ് ചെയ്തു.
ആലുവ മാറാംപിള്ളി അമ്പാഴത്ത് ഹൗസില് സജ്ഞയ് (19),ആലപ്പുഴ അമ്പലപ്പുഴ പുറക്കാട് കരിക്കനാക്കുടി അബുതാഹിര് (20),എറണാകുളം നോര്ത്ത് പറവൂര് വടക്കേക്കര പതിശ്ശേരി വീട്ടില് സൂരജ് (19) എന്നിവരെയാണ് പിടികൂടിയത്.
തമിഴ്നാട്ടിലെ ഈറോഡില് നിന്നും കഞ്ചാവ് വാങ്ങി ആലത്തൂര് സ്വാതി ജംഗ്ഷനില് ബസിറങ്ങി സജ്ഞയിന്റെ സുഹൃത്തിനെ കാണാന് കാവുമൈതാനത്തെത്തിയപ്പോഴാണ് ഇന്നലെ രാത്രി എട്ട് മണിയോടെ പോലീസ് വലയിലായത്. കേരളത്തിനകത്തും പുറത്തും വിവിധ സിനിമാറ്റിക് ഡാന്സ് ട്രൂപ്പുകളില് പ്രൊഫഷണല് ഡാന്സര്മാരാണ് സൂരജും സജ്ഞയുമെന്ന് പോലീസ് പറഞ്ഞു. സജ്ഞയ്യുടെ ബാഗില് നിന്നും 170 ഗ്രാമും മറ്റ് രണ്ടുപേരുടെ കൈവശത്തു നിന്നും അഞ്ച് ഗ്രാം വീതവുമാണ് കഞ്ചാവ് പിടിച്ചെടുത്തത്.
പോലീസിന് ലഭിച്ച രഹസ്യ വിവരത്തെ തുടര്ന്ന് നടത്തിയ പരിശോധനയിലാണ് ഇവര് അറസ്റ്റിലായത്. ആലത്തൂര് എസ്ഐഎസ്.അനീഷ്, പ്രൊബേഷണല് എസ്.ഐ.ജയപ്രദീപ്, എഎസ്ഐ.ചെന്താമര, സി.പി.ഒമാരായ സൂരജ് ബാബു, പ്രദീപ് എന്നിവരുടെ നേതൃത്വത്തിലുള്ള സംഘമാണ് ഇവരെ പിടികൂടിയത്.
