കൊഴിഞ്ഞാമ്പാറ: അന്തര്സംസ്ഥാന ചീട്ടുകളി സംഘത്തിലെ പതിനാലുപേരെ ഒഴലപ്പതി ലാലാക്കാട് ചെട്ടിയാര്കളത്തുവെച്ചു പിടികൂടി.
പതിമൂന്നുപേര് തമിഴ്നാട് തിരുപ്പൂര് സ്വദേശികളാണ്. ചെട്ടിയാര്കളകത്തെ കാളിമുത്തുന്റെ വീട്ടില് നിന്ന് ഇവരുടെ പിടികൂടുമ്പോള് കൈവശമുണ്ടായിരുന്നതും കാറില് ഒളിപ്പിച്ചതുമായ 221450 രൂപയും കൊഴിഞ്ഞാമ്പാറ പോലീസ് പിടിച്ചെടുത്തു.
സ്റ്റേറ്റ് സ്പെഷല് ബ്രാഞ്ച് ഉദ്യോഗസ്ഥന് കൃഷ്ണദാസ് നല്കിയ രഹസ്യ വിവരത്തിന്റ അടിസ്ഥാനത്തില് ശനിയാഴ്ച്ച വൈകുനേരം 4.30 ഓടുകൂടി പരിശോധന നടന്നത്. കൊഴിഞ്ഞാമ്പാറ എസ്.ഐ എസ്. സജികുമാറിന്റെ നേതൃത്വത്തില് പ്രോബേഷന് എസ്.ഐ നവീന് ഷാജി, സി.പി.ഒമാരായ ഷെറീഫ്, മോഹന്ദാസ് എന്നിവര് മഫ്ട്ടിയില് ചെന്നിരുന്നു. തുടര്ന്ന് ഗ്രേഡ് എസ്.ഐ ദേവദാസ്, ഹോംഗാര്ഡ് നാഗരാജ്, പ്രകാശ്,ശ്രീജിത് എന്നീ ഉദ്യോഗസ്ഥരെത്തിയാണ് പതിനാലു പേരെ കുടുക്കിയത്.
തിരുപ്പൂര് സ്വദേശികളായ പി.പ്രഭു (34) ആര്.ഗുരുവായൂരപ്പന്(29), സി.ബാലസുബ്രഹ്മണ്യന്(40), എസ്. സുരേഷ്(32), ടി.ഷണ്മുഖാനന്ദ(43) ,ടി.മാണിക്യന്(45), ആര്.പഴണിസ്വാമി (40) ,എസ്.കൃഷ്ണമൂര്ത്തി (56), എം.തെപ്പുരാജ് (32), എ.കാര്ത്തികേയന് (29), കെ.സീതാരാമന് (49) ,ജെ.മാണിക്യന്, എന്.ശക്തിവേല് എന്നിവരെയാണ് അറസ്റ്റ് ചെയ്ത് സ്റ്റേഷന് ജാമ്യത്തില് വിട്ടയച്ചു.
