ആലപ്പുഴ: തൊഴിലാളികളുടെ സംഘടിത ശക്തി തെളിയിച്ച് ബിഎംഎസ് സ്ഥാപനദിനാഘോഷം ജില്ലയിലെ 16 മേഖലകളിലെ 72 പഞ്ചായത്തിലും ആറു മുനിസിപ്പാലിറ്റികളിലും നടന്നു. രാവിലെ യൂണിറ്റ് കേന്ദ്രങ്ങളില് പതാകദിനത്തോടെയാണ് പരിപാടികള് ആരംഭിച്ചത്.
ആലപ്പുഴ മുനിസിപ്പല് കമ്മറ്റിയുടെ ആഭിമുഖ്യത്തില് നടന്ന സ്ഥാപന ദിനാഘോഷം ജില്ലാ സെക്രട്ടറി സി.ജി. ഗോപകുമാര് ഉദ്ഘാടനം ചെയ്തു. ആലപ്പുഴയിലും പരിസരപ്രദേശങ്ങളിലും തൊഴിലാളികളില് അധമ സംസ്കാരം പകര്ന്നുകൊടുത്തതിന്റെ ഉത്തരവാദിത്വം സിപിഎമ്മിനും അവരുടെ തൊഴിലാളി സംഘടനയ്ക്കുമാണെന്നും അദ്#േഹം പറഞ്ഞു. ഇത്തരം സംഘടനകളുടെ നേതാക്കള് ഇന്ന് മണിമാളികകളില് ഇരുന്ന് തൊഴിലാളികളെ അടച്ചാക്ഷേപിക്കുന്നത് ഭൂഷണമല്ലെന്നും അദ്ദേഹം പറഞ്ഞു. ആര്എസ്എസ് ശബരിഗിരി വിഭാഗം ബൗദ്ധിക് പ്രമുഖ് ജി. സന്തോഷ്കുമാര് മുഖ്യപ്രഭാഷണം നടത്തി. ദേശീയതയില് ഉറച്ചുനിന്നുള്ള ശബ്ദമാണ് ബിഎംഎസ് ഉയര്ത്തേണ്ടതെന്ന് അദ്ദേഹം പറഞ്ഞു. മുനിസിപ്പല് കമ്മറ്റി പ്രസിഡന്റ് കെ. രതീഷ് അദ്ധ്യക്ഷനായി. സ്കൗട്ടില് മികച്ച കേഡറ്റിനുള്ള രാഷ്ട്രപതി പുരസ്കാരം നേടിയ എം. മിഥുനെ ആദരിച്ചു. ജില്ലാ വൈസ് പ്രസിഡന്റ് വി.കെ. ശിവദാസ്, മുനിസിപ്പല് സെക്രട്ടറി സി. ഷാജി, വൈസ് പ്രസിഡന്റ് അമ്പിളി എന്നിവര് സംസാരിച്ചു.
അരൂരില് നടന്ന സ്ഥാപക ദിനാഘോഷം പാണാവള്ളി മേഖല പ്രസിഡന്റ് ചന്ദ്രമോഹന് ഉദ്ഘാടനം ചെയ്തു. ബിഎംഎസ് പഞ്ചായത്ത് പ്രസിഡന്റ പി.എസ് സാബു അദ്ധ്യക്ഷനായി. ആര്എസ്എസ്സ് ജില്ല പ്രചാര്പ്രമുഖ് കെ.പി രൂപേഷ് കുമാര് മുഖ്യപ്രഭാഷണം നടത്തി. എ.കെ അഭിലാഷ്, മധു ചക്കനാട്ട്, ബിജു വി.എ, വില്സണ് എന്നിവര് സംസാരിച്ചു.
തുറവൂരില് ജില്ലാ ജോയിന്റ് സെക്രട്ടറി എന്. വേണുഗോപാല് ഉദ്ഘാടനം ചെയ്തു. പ്രസിഡന്റ് മഹേഷ് അദ്ധ്യക്ഷനായി. മേഖലാ പ്രസിഡന്റ് പ്രവീണ്, സി.ടി. അശോകന്, കെ.സി. രാജേഷ്, ജോസ് എന്നിവര് പ്രസംഗിച്ചു.
ജില്ലാ പ്രസിഡന്റ് ബി. രാജശേഖരന് മണ്ണഞ്ചേരിയിലും ചേര്ത്തല മുനിസിപ്പാലിറ്റിയിലും ജില്ലാ സെക്രട്ടറി സി.ജി. ഗോപകുമാര് മാരാരിക്കുളത്തും ഉദ്ഘാടനം ചെയ്തു.
ജില്ലാ വൈസ് പ്രസിഡന്റുമാരായ വി.കെ. ശിവദാസ് ആര്യാട് പഞ്ചായത്തിലും പി.ബി. പുരുഷോത്തമന് തണ്ണീര്മുക്കം പഞ്ചായത്തിലും അമ്പലപ്പുഴ തെക്ക് പഞ്ചായത്തിലും പുന്നപ്ര തെക്ക് പഞ്ചായത്തിലും കെ. ചന്ദ്രലത അമ്പലപ്പുഴ വടക്കുപഞ്ചായത്തിലും ഉദ്ഘാടനം ചെയ്തു.
ജില്ലാ ജോ. സെക്രട്ടറിമാരായ അനിയന് സ്വാമിചിറ ചമ്പക്കുളം പഞ്ചായത്തിലും വെളിയനാട്, നീലംപേരൂര് പഞ്ചായത്തുകളിലും ബി. സുഭാഷ് എടത്വാ, തലവടി പഞ്ചായത്ത്, തകഴി പഞ്ചായത്തുകളിലും ജില്ലാ ഖജാന്ജി ബിനീഷ് ബോയ് 11ന് പള്ളിപ്പുറം പഞ്ചായത്തിലും ഉദ്ഘാടനം ചെയ്തു.
