പത്തനംതിട്ട: 29-ാമത് സംസ്ഥാന സീനിയര് ടെന്നിക്വയ്റ്റ് ചാമ്പ്യന്ഷിപ്പ് 22, 23 തീയതികളില് പ്രമാടം രാജീവ്ഗാന്ധി ഇന്ഡോര് സ്റ്റേഡിയത്തില് നടക്കും. കേരളത്തിലെ 14 ജില്ലകളില് നിന്നായി 300ല്പരം കായികതാരങ്ങളും ഒഫിഷ്യല്സും പങ്കെടുക്കുമെന്ന് സംഘാടകര് പത്രസമ്മേളനത്തില് പറഞ്ഞു.
റോട്ടറിക്ലബ് കുമ്പളാംപൊയ്കയുടെ കൂടി സഹകരണത്തില് നടക്കുന്ന ചാമ്പ്യന്ഷിപ്പിന്റെ ഉദ്ഘാടനം നാളെ രാവിലെ 10ന് അടൂര് പ്രകാശ് എംഎല്എ നിര്വഹിക്കും. ജില്ലാ സ്പോര്ട്സ് കൗണ്സില് പ്രസിഡന്റ് കെ. അനില് കുമാര് അധ്യക്ഷത വഹിക്കും. പ്രമാടം ഗ്രാമപഞ്ചായത്ത് പ്രസിഡന്റ് റോബിന് പീറ്റര്, ടെന്നിക്വയ്റ്റ് ഫെഡറേഷന് ട്രഷറാര് ആര്. രാമനാഥന്, അസോസിയേഷന് സംസ്ഥാന പ്രസിഡന്റ് കെ.എസ്. ബാബു, സെക്രട്ടറി ശ്യാമ സ്വാമിനാഥന്, ജില്ലാ പഞ്ചായത്തംഗം എലിസബേത്ത് അബു, കെ. വിശ്വംഭരന്, ലീലാ രാജന്, ആനന്ദവല്ലിയമ്മ തുടങ്ങിയവര് പ്രസംഗിക്കും.
23നു സമാപനസമ്മേളനം റോട്ടറി ഡിസ്ട്രിക്ട് ഗവര്ണര് സുരേഷ് മാത്യു ഉദ്ഘാടനം ചെയ്യും. ഡിവൈഎസ്പി പ്രദീപ് കുമാര് സമ്മാനദാനം നിര്വഹിക്കും. സംഘാടകസമിതി ചെയര്മാന് ഗ്രാമപഞ്ചായത്ത് പ്രസിഡന്റ് റോബിന് പീറ്റര്, ഓര്ഗനൈസിംഗ് സെക്രട്ടറി പി.ആര്. ഗിരീഷ്, അസോസിയേഷന് ജില്ലാ പ്രസിഡന്റ് അജി പി.വര്ഗീസ്, റോട്ടറി ക്ലബ് പ്രസിഡന്റ് ജോസ് വര്ഗീസ്, സെക്രട്ടറി ജോര്ജ് ബിനുരാജ്, ആര്ച്ചറി അസോസിയേഷന് വൈസ് പ്രസിഡന്റ് പി.കെ. രവീന്ദ്രന് എന്നിവര് പത്രസമ്മേളനത്തില് പങ്കെടുത്തു.
